r/CAIRO • • Oct 20 '24

:caution: Controversial | جدلي :caution: أتأكدت بنفسي النهاردة ان العواجيز ولاد عـرص و ان الشعب مات خلاص

1.6k Upvotes

كنت في مشوار من شوية و ركبت مشروع منشية (سكة بحر في إسكندرية لو محدش عارفها)و الاجرة نازلة انها ب 7.25 جنية و لقيت السواق بيقول قبل ما يطلع كدة…اجمااعة لو في ظابط وقفكوا و سألكم دفعتوا اجرة كام ابقوا قولولة خدنا 7.25(هو لم الاجرة علي النفر ب 9 جني) قولت الناس هتهيج علية و تشتمة و روحت طلعت الفون و فتحت الريكورد بتاع الفون..لقيت الصمت عم في المكان و لقيت واحد عجوز ابن مرة شرمـوطة عامل زحمة علي الكوكب علي الفاضي قالة ايوا تمام ماشي هنقولة كدة يبني راح السواق عاد الكلام تاني و انا بسجل و الناس برضوا ساكتة..

انا قعدت فورت في مكاني و كنت متعصب فشخ بجد و كنت بدعي الظابط يطلع…الحمد لله الظابط طلع في نص السكة و سألني اول واحد عشان كنت قاعد عند الشباك و قولتلة انة خد ٩ جنية و بيقولنا قولو انها 7.25 راح العجوز ابن القحـبة العـرص قالي بطل كدب لا خد مننا 7.25 بس انا الحمد لله كنت مسجل و سمعتة للظابط و خد السواق و نزلة و خد رخصتة و خلي امين شرطة تقريباً يزنق العجوز الحْول دة و نزلة و الناس كلها نزلت تركب مشروع تاني بس لقيت الناس بتقولي اخرتنا علي مشاغلنا يا عم روحت قولت في نفسي خخخخخخخخخ عليكم يا شوية حْولات حلال عليكم النيـك اليومي يولاد الشرمـوطة و خدت بعضي و كملت مشواري مشي عشان كنت قريب

هو الناس بقت ميتة و جبانة لية كدة يا جماعة خخخخخ دا انا حسيت لوهلة اني كنت غلطان و ربي


r/CAIRO • • Jun 13 '26 Bravo Mindblown Regret

Discussion | نقاش (تمت المواجهه بنجاح ( انا جامد فشخ

Post image
1.3k Upvotes

بعد ما الناس كلمتني امبارح بعثت لها رساله قلت لها اني هاجي لكم بكره صليت الظهر ورحت اشتريت فرختين مشويتين زي الباشا واخذت بعضي بعد العصر ورحت ولا كأن في حاجه حصلت رحنا قعدنا في البلكونه زي كل مره وسالتها ايه رايك في علاقتنا حسب خبرتك حرفيا انا ما كنتش اقصد حاجه بس هي اتخضت كده وملامحها اتغيرت فكملت الموضوع وقلت لها اصل انا كنت قاعد مع الرجالة امبارح وقالوا لي انك كنت كل يومين نازله مع راجل ليه ما قلتليش عن الموضوع ده قبل كده قعدت عشر دقائق حرفيا تحلف ان هو محصلش

(واحد صاحبي امبارح كان قالي اسم واحد من اللي كانت مرتبطه بيهم) فقلتها يعني انت مكنتيش مع فلان؟ حرفيا البنت اتصدمت وفضلت هاديه يجي خمس دقائق وبعدها قعدت تعيط بصوت واطي ولله صعبت علي جامد قربت منها شويه كده وقلتلها خلاص مفيش حاجه وهديت الدنيا شويه لقيتها بتقول لي ان ده زمان وهي صغيره وحصلت مره واحده وما عملتش كده ثاني وندمت وتابت لربنا انا قلت لها خلاص انا هعدي الموضوع ولا كأن حاجه حصلت ولكن انا هحتاج تفتحيلي تليفونك عشان اقدر احس بالثقه معاكي تاني لان طبيعي بعد ده تكون الثقه اللي جوايا اتهزت شويه حرفيا رفضت رفض قاطع وقالت لي لا وبعد ما كانت بتعيط من شويه اتحولت لزعيق وقالت لي اما انت شكاك كده دلوقتي امال بعد الخطوبه هتعمل ايه وانا مش هعرف اعيش كده قلت لها بهدوء خالص انا مش هعرف اكمل لو ما فتحتيش التلفون دلوقتي واي حاجه على التلفون هنعرف نتصرف فيها وطبعا رفضت بس بعد الكلمتين اللي انا قلتهم دول انا حسيت نفسي جامد الصراحه رحت قلت لها تمام السلام عليكم واخذت بعضي ومشيت وكلمت ابويا وعرفته كل حاجه وقلت له اني انا اللي هكلم ابوها وهفهمه كل حاجه وان شاء الله خلاص هفركش وشكرا لاي حد نصحني امبارح والحمد لله

برضو حاسس ان ثقتي في نفسي تضاعفت 100 مره


r/CAIRO • • Jul 02 '25

‎:sh1::sh2: Social life | حياة اجتماعية يا بختك يا الي هتكوني مرات اخويا

1.2k Upvotes

كنت أفطر أنا واخويا النهار ده وكان حاطط الجبنة على المكرونة بطريقة حلوة فحبيت اقلده بس بوضت الدنيا فقام مبدل الطباق و اداني الطبق بتاعه الي هو مرتب و شكله حلو

بعدين طلبنا عصير وأنا خذت عصير أول مرة اجبره وما عجبنيش بس اخويا خذ عصير متعودين نشربه ديما ولما شافني مش عاجبني العصير اداني العصير بتاعه و أخذ هو العصير بتاعي وقالي ماهو حلو اهو أنتي بس الي مش عايزاه عشان ما تحبيش الكيوي وأنا عارفه انه بيشريه فوق من نفسه هو كمان

فوالله مراته هتكون ست محظوظة و مرضية اهلها عشان تأخذ راجل زيه عشان متأكده انه هيعاملها كده هي كمان ان شاء الله.

ربنا يحفظهولي يا رب و يرزقه الخير والبركة

تعديل اخويا عارف حسابي على ريدت فهو عارف ان الكلام ده عليه فأنا بحبك يا محمد والله 🌸


r/CAIRO • • Oct 14 '25 Bravo

Discussion | نقاش توقفت عن إدمان الإباحية والعادة لمدة ٤ شهور (للرجال فقط)

Thumbnail
gallery
1.1k Upvotes

بسمِ الله الرحمن الرحيم والصلاة والسلام على سيدنا محمد خاتم الأنبياء والمرسلين، اللهم اهدنا وتُب علينا من المعاصي ونقنا من الخطايا كما ينقى الثوب الأبيض من الدنس أما بعد

أنا بقالي فترة عاوز أكتب البوست ده وأحكي تجربتي يمكن أفيد حد والناس تعرف ان أيوا تقدر تبطل وتتوب مش لازم تستنى أما تتجوز (حجة فارغة مع احترامي لإن فيه متجوزين بيفضلوا مدمنين برضو) وهتستفيد ايه لما تبطل وإن الوقت مفاتش خلاص فانا قررت اني أبطل فترة وأشوف هل هتحس بتغير؟ وايه أحسن طريقة تبطل بيها؟


أنا عندي ٢٣ سنة اكتشفت الإباحية والعادة وأنا عندي حوالي ١٣ سنة لإني كنت بحب الكمبيوتر وبقضي عليه وقت طويل فكانت مسألة وقت إني أتعرض للمحتوى ده فالأول مكنتش فاهم ايه الي بعمله بس زي أي حد كنت مبسوط، مع الوقت الموضوع بدأ يأثر عليا زي اني اسهر ومنامش كويس وأقعد لوحدي واكروت مذاكرتي وتفكيري بقى جنسي تجاه البنات ودي بقيت متعتي اني أعزل نفسي مع الشاشات وامارس العادة (لما بفكر اني ضيعت فترة من عمري كدا ببقى نفسي أرجع وأساعدني) لما عرفت برضو إن أصحابي بيعملوا نفس الحاجة وبيكلموا عنها عادي وشوفت ميمز عليها حسيت إنه كله مضطر يعملها وفضلت مكمل بس عارف إن ده مش صح


لما كبرت شوية بدأت أفهم ليه العادة والإباحية بيسببوا إدمان وصعب حد يبطلهم عشان أهم سببين: 1-بيخرجوا مادة الدوبامين وده ناقل عصبي بيدي شعور جميل بالمكافأة والسعادة بيطلع بعد إي إنجاز الشخص بيعمله زي إنك تنجح في امتحان صعب، تقبض المرتب، او حتى حاجة بسيطة خالص زي أكلة حلوة أو خروجة مع أصحابك وكمان الناقل العصبي ده مسؤول عن حاجة مهمة جداً وهي الشغف أو الرغبة خليني أحكيلكم تجربة لما جابوا فار تجارب جعان وقللوا الدوبامين في مخه وحطوه في قفص وقدامه زرار لما يدوس عليه يديله أكل كان بياكل كمية أقل جداً من احتياجه لدرجة إنه مات من الجوع وده برضو أحد أسباب إن التيك توك والريلز والإباحية بيخلوا معندكش طاقة وشغف تعمل حاجة بعدهم لإنهم بيستنفذوا مخازن الدوبامين في مخك فبتحتاج تستنى تاني يوم لحد ما تتملي تاني عشان ترجع تخلصها في نفس الحاجات تاني وتكمل الدايرة وهكذا

السبب التاني 2-وده معقد شوية وفهمته مؤخراً وهو إن كل ما تحصلك ظروف سيئة زي مشكلة كبيرة تعصبك، حاجة جامدة توترك زي امتحانات او مسؤوليات كبيرة إنت شايلها، أهلك شداد عليك، البنت الي بتكلمها سابتك، عملت انجاز كبير وعاوز تحتفل..... كل المؤثرات دي بتوترك نفسياً وإنت مبتعرفش تتعامل مع إحساس التوتر ده فالمخ بيحاول يساعدك عن طريق إنه يدور على مصدر دوبامين سريع لإن ده بتاع السعادة والراحة فممكن بقى يقولك اسمع أغاني، خد لفة في التيك توك او الأسوأ بقى مارس العادة عشان "ترتاح" بس طبعاً الدوبامين بيعلى بسرعة وبيقل بسرعة فإنت بتحس بشعور وحش جداً وهو الندم وترجع تفتكر المشكلة الي كانت مضايقاك وتتوتر أكتر فالعادة حرفياً عاملة زي واحد جعان أوي وقدامه أكل كتير ومهما ياكل مبيشبعش بل بالعكس بيجوع أكتر ويتعب...

*العادات الصحية والإنجازات الصعبة الدوبامين بيعلى فيها بالراحة ولما بيرجع لمعدله الطبيعي تاني بياخد وقت عكس اي متعة سريعة بيطلع بسرعة ويقع جامد يمكن حتى أقل من المعدل الطبيعي(Easy come easy go)


*طرق العلاج في رأيي:

كتير حاول إنه يبطل مرة واحدة ويمسح كل حاجة بس بيجي بعد أسبوع او أسبوعين بالكتير وبيرجع أسوأ من الأول وده شىء طبيعي لإن مخك خلاص اتعود على نسبة عالية من الدوبامين وفيه مسارات عصبية اتكونت في المخ من سنين انك لازم كل اسبوع تمارس العادة فإنك تبطل مرة واحدة بيعمل صدمة وبيخليك ترجع بشراهة

الحل الي نفع معايا إنك تبطل تدريجي بجدول يعني ايه؟ لما تاخد القرار مع نفسك إنك ناوي تبطل فعلاً هتختار يومين في الأسبوع بعاد عن بعض وهتمارس فيهم العادة إجباري (فيه شروط هقولها تحت) وهتعمل كدا لمدة ٣ أسابيع لحد ما مخك يتعود إن ده الطبيعي دلوقتي وبعدها هتخليها مرة واحدة في الأسبوع واختار يوم برضو وخليك كدا شهر مش مسموحلك غير يوم فقط لحد برضو ما مخك يتعود وبعد الشهر لما تحس انك مرتاح ومش محتاج تمارس العادة امتنع خلاص نهائي ساعتها إنت مش هتبقى محتاج العادة لإنك بطلت تدريجي ومستوى الدوبامين في مخك هيكون انتظم (أنا كنت بسجل في نتيجة الموبايل هتلاقوها في الصورة التانية)


•شروط مهمة لازم تتبعها :

-غُض البصر عن أي حاجة ممكن تثير شهوتك ودي الحاجة الي ساعدتني جداً.

-متستخدمش تيك توك إنستا وإنت لوحدك  أو بالليل عشان نفس السبب وياريت أحسن لو تمسحهم أنا عامل كدا بقالي سنتين.

-طبيعي إنك تبقى شهواني جداً أول فترة فلازم تقاوم عشان مصلحتك.

-طبيعي برضو تحس إنك قاطع مياه ونور بعد فترة ودي حاجة كويسة جداً ودليل إن مخك بدأ يبرمج نفسه تاني ويقطع مسارات العادة الي اتكونت بقالها زمن فمتخافش هترجع بعد فترة أحسن من الأول صدقني.

-امسح أى محتوى إنت مخزنه عندك او أى حاجه ممكن تثيرك زي اكاونتات او بيدجات على أى برنامج بتستخمه من الآخر غض البصر سلاحك.

-شعورك بالغضب/التوتر/القلق/الفرحة لازم تتعامل معاه بعقلانية ومتهربش منه، لازم تهدى وتعرف إن كل حاجة ليها حل بإذن الله وتاخد بأسباب أي مشكلة تواجهك ومتلجأش لحل سريع يريحك زي السجاير/العادة.

-حاول تشغل وقتك بحاجات مفيدة أو حتى استكشف هوايات جديدة عشان مخك ينشغل عن التفكير في العادة.


انا استفدت ايه لما بطلت ٤ شهور بقى ؟

-الوقت الي كان بيضيع في الإباحية والعادة بقيت بستثمره في المذاكرة وجيبت أعلى مجموع ليا الترم الي فات في الكلية وانتظمت في الصلاة وبالي بقى مرتاح من شعور الذنب واني ممكن أموت على معصية زي دي.

-بقيت بنام كويس وتركيزي اتحسن شوية ومودي بقى أحسن بقيت متفائل أكتر وعاوز أنجح وأعمل حاجات جديدة عكس الأول كنت طول الوقت كئيب ومبضون وخلقي ضيق.

-ثقتي في نفسي زادت شوية وده مش هزار والله بقيت أتكلم أكتر مع الناس أكتر وبتخانق لو حد جه عليا.

الحاجات البسيطة بقيت ممتعة زي اني أخرج شوية مع- اصحابي أو أشوف فيلم او أزور عيلتي، رجعت برضو للجيمنج شوية لإني كنت بزهق بسرعة.

-بقى عندي ثقة أكتر مع البنات خصوصاً اني بطلت اشوفهم بنظرة جنسية زي الأول فبقيت بتعامل عادي لدرجة اني كنت هتخانق مع واحدة في الكلية من كام يوم وحاجة أخيرة بيني وبينكم هتلاحظوا فرق في قوة الانتصاب 🍆...


فالصراحة أنا شايف إن أه لازم نبطل والفوايد تستاهل خصوصاً إنك هترحم البلبل شوية لإنك اتعودت ان النشوة بتاعتك عبارة عن شاشة وإيد فلما تيجي تتجوز مخك هيكون بقاله سنين متعود عالطريقة دي فهيقولك فين الفيلم والايد وهتلاقي نفسك عطلان من أولها فيعني لو مش عاوز تبطل عشان نفسك بطل عشان مراتك تستاهل تتجوز راجل سليم وزي ما إنت عاوزها من غير عيوب إبدأ بنفسك وحتى لو متجوزتش برضو فأنت أولى بوقتك تعمل فيه حاجة تفيد مستقبلك ومتبقاش عبد لشهوتك هي الي بتوديك وتجيبك ومتكنش سبب في دخولك النار

بطَّل انهارده عشان في المستقبل تشكر نفسك على اليوم ده ومتندمش على باقي الايام الي عمال تضيعتها ولو واحد بس قرر انه يبطل ويساعد نفسه و قدر ينجح أنا هكون سعيد جداً وشكراً لكل واحد قرأ كلامي ووصل هنا ❤



r/CAIRO • • Dec 30 '24

Social life :sh1::sh2: حياة اجتماعية ده احسن حل للتحرش الالكتروني

1.0k Upvotes

جيرانا ناس صعايده المهم بنتهم في حد كان بيضايقها وكل شوية تديله بلوك يدخلها من اكونت مختلف يضايقها لحد في مرة بعتلها صورة اشياءه فالبنت اشتكت لأهلها من الصدمة اللي اخدتها فاخوها اخد التليفون منها وبعتله على أساس انها بتكلمه واتفق معاه على مكان مقابلة ولمو الرجالة قرايبهم وطلعو المكان ده اخوها الاول طلع الشقة خبط عليه كأنه بيسأل على عنوان شقة حد علشان يتأكد أنه الواد فعلا قاعد لما اتأكد طلعو الرجالة ادوله علقة موت وبعدها خلوه يتصل بأبوه ياجي هو وعمامه وخيلانه وعاملو زي قاعدة فضحو فيها الواد واهلو نفسهم قعدو يتأسفو ... بجد حركة جامدة من ناس بتفهم


r/CAIRO • • May 04 '26 Regret Bravo

Discussion | نقاش أقسم بالله حاجة في قمة التدني

Post image
968 Upvotes

اللي في الصورة ده يبقى محمود الفولي، وكيل وزارة التربية والتعليم في بني سويف

اللي المفروض مهامه الوظيفية هي متابعة العملية التعليمية، تطوير المدارس، وحل مشاكل الطلبة والمدرسين، بس هو قرر يتنمر على بنت غلبانة في أولى ثانوي بسبب أكلها

البنت من قرية في بني سويف، وأبوها موظف بسيط بيديها ٣٠ جنيه في اليوم

الـ ٣٠ جنيه دول بتصرف منهم ١٥ جنيه مواصلات رايح جاي، والـ ١٥ جنيه التانيين بتصرفهم على الوجبة اللي بتسندها اليوم كامل من مدرسة لدروس لحد المغرب

وجبه عبارة عن كيس فول ورغيفين عيش

يوم الخميس، سيادة وكيل الوزارة دخل فصل البنت في زيارة "مفاجئة"، وشاف كيس الفول والعيش في درج البنت، وبدل ما يفهم منها ايه ده أو حتى يتجاهل الموقف، قرر يعمل نمرة قدام الفصل كله

طلب من المديرة تطلع الأكل قدام الطلبة كلهم وبدأ يتريق ويقول"إيه ده؟ حد بياكل فول في المدرسة؟ هتقعدي بقى هتغمسي في الفسحة؟"

الموضوع ماوقفش لحد هنا، ده سيادة الوكيل اتعامل مع الموقف وكأنه لقى مخدرات!

طلب تحريز كيس الفول والرغيفين (آه والله أخدوا أكل البنت) وعملوا مذكرة بالواقعة، وحول الأخصائي الاجتماعي للتحقيق

البنت من كتر الإحراج والقهر، معرفتش ترد بكلمة.. و وطّت راسها وفضلت تعيط وهي شايفة كرامتها بتتهان عشان لقمة هي مش طايلة غيرها

طبعاً البنت رجعت البيت منهارة ومش عايزة تروح المدرسة تاني بعد اللي حصل

ولما سألوا أبو البنت إذا كان هياخد إجراء قانوني بسبب اللي حصل ده قال "أنا موظف في التربية والتعليم، وخايف على أكل عيشي من الضرر.. وحق بنتي فوضت فيه ربنا هو اللي يجيبه"

فانا الحقيقية مش فاهم ازاي واحد زي ده، غير مؤهل يتعامل مع طلاب ولا حتى بني آدمين، يكون في منصب زي ده، ماعتقدش اللي حصل ده يرضي الريس اللي سيادة الوكيل حاطط صوره في كل مكان!


r/CAIRO • • Oct 03 '25

Politics | سياسة جريمة لا يمحوها الزمن.. 25 عامًا على استشهاد الطفل محمد الدرة

Thumbnail
gallery
954 Upvotes

r/CAIRO • • May 03 '24

Social life | حياة اجتماعية :sh1::sh2: انا بحب ابويا اوي

942 Upvotes

انا ابويا بالنسبالي احسن راجل في الدنيا دي و كان بيربيني صح و عمره ما هاني و كان يفشخ اي حد يحاول يزعلني او يهيني حتى لو عملت غلط هو اللي يربيني يعني انا فاكر و انا صغير عندي ٧ او ٨ سنين كدا كان مرا هو و امي في الشغل ف مكنش في حد في البيت و كان فيه كورة كبيرة كدا اللي هي زي البلونة اللي بنقعد نتنطط عليها ف كنت بلعب بيها انا و اختي و نشوطها لبعض ف انا كنت شوتطها شوية كدا جامدة ف جت على النيش و كسرت ازاز النيش كله و كنت ساعتها هشخ على نفسي و قولت دا لما يجي هيرميني من البلكونة ولا حاجة ف نضفت الازاز اللي عالارض بالجروف و حاولت أبين ان الدنيا طبيعية و بعدين هو جه من الشغل و انا فضلت حابس نفسي في الاوضة عشان خايف من اللي هيحصلي و خصوصا ان امي و ابويا كانو بيحبو النيش دا اوي و محدش يقرب منه و بتاع و لما يناديني كنت بفكر انه اكتشف اللي حصل و هيرزعني علقة ف مكنتش بروحله و بعدين نداني كتير ف رحت من بعيد كدا لقيته قاعد في الاوضة بتاعته لوحده و امي كانت لسا في الشغل مجتش و بعدين قالي مبتردش ليه قلتله مفيش و بتاع ف حس اني بحور و قالي انت عملت حاجة صح مردتش عليه قالي لو قلتلي الحقيقة و مكذبتش مش هعملك حاجة لكن لو كذبت مش هيبقا كويس ف فضلت قاعد بفكر اقول ولا مقولش ة بتاع و هو قام شدني كدا و طبطب عليا و قالي قول ايه اللي حصل متخافش مش هعملك حاجة ف قلتله و كنت مستنيه يرزع راسي في الكوميدينو ولا حاجة من شدة الموقف بالنسبالي وقتها لقيته قام قالي احنا مش كنا قلنا مفيش لعب كورة في الشقى قبل كدا و لسا هبرر قام قربني و انا كنت خايف و باس دماغي و قالي بس انا مش مضايق عشان مكذبتش عليا و اداني ٥ جنيه قالي انزل هاتلك ايس كريم و انا مكنتش فاهم ايه اللي بيحصل دا ساعتها بس اكتشفت دلوقتي انه كان زرع فيا حتة ان انا مكذبش مهما حصل و الحوار دا فضل ملازمني لحد دلوقتي و انا عندي ١٨ حتى بعد ما توفى الله يرحمه و لو فيا حاجة حلوة دلوقتي ف دا والله من فضله و لو فيا حاجة وحشة ف دا عشان ملحقش يعلمهالي و انشاءالله هبذل ما بوسعي عشان احاول اكون اب لولادي زي ما ابويا كان اب ليا


r/CAIRO • • Mar 07 '25

Politics | سياسة أمريكا

Post image
847 Upvotes

أمريكا أصل كل الشرور فعلا.. اتمني في يوم من الايام إنها تنقسم أو تحتل


r/CAIRO • • Oct 27 '25

Discussion | نقاش الدولة الصهيونية العربية

Post image
829 Upvotes

حسبي الله ونعم الوكيل في دولة الشر انا عاوز اعرف لية العرب و الاعلام متجاهل الدوله الاتسببت في حرب السودان و اكبر داعم للمليشيات و اكبر داعم في حرب ليبيا


r/CAIRO • • Dec 05 '24

Social life | حياة اجتماعية :sh1::sh2: إديت لواحد صاحبي في الجامعة النهاردا الأستيكة ديه علشان نبرشم الاجابات. لما رجعهالي، لقيت مكتوب عليها دا:

Post image
816 Upvotes

طبعًا مش بقول إن الغش صح؛ علشان الناس الي مجهزين الردود.


r/CAIRO • • May 05 '25

🚫 Serious | ممنوع الهزار 🚫 أَفَلَا يَتَدَبَّرُونَ الْقُرْآنَ ۚ وَلَوْ كَانَ مِنْ عِندِ" غَيْرِ اللَّهِ لَوَجَدُوا فِيهِ اخْتِلَافًا كَثِيرًا"🦋

Post image
815 Upvotes

قوله تعالى: "يا أيها الذين آمنوا إنما المشركون نجس فلا يقربوا المسجد الحرام بعد عامهم هذا" (سورة التوبة، آية 28)

وقوله تعالى: "ولا تسبوا الذين يدعون من دون الله فيسبوا الله عدوا بغير علم" (سورة الأنعام، آية 108)

بالمقارنة بين الآيتين:

الآية الأولى تتحدث عن حكم شرعي: أن المشركين (بسبب عقيدتهم وشركهم) لا يجوز لهم دخول المسجد الحرام، لأنهم نجس، والمقصود بالنجاسة هنا جمهور العلماء قالوا إنها نجاسة معنوية (أي نجاسة العقيدة والسلوك)، وليس بالضرورة نجاسة حسية (مثل القذارة المادية).

أما الآية الثانية، فهي توجيه أخلاقي ودعوي: أي أن الله ينهى المسلمين عن سب آلهة المشركين، حتى لا يؤدي ذلك إلى رد فعل غير مرغوب فيه، وهو أن يسب المشركون الله عز وجل، عدواً وظلماً بغير علم.

إذن لا يوجد تناقض:

الأولى تحدد تعامل المسلمين مع المشركين من الناحية الشرعية والتنظيمية (لا دخول للمسجد الحرام بسبب نجاستهم العقدية).

والثانية ترشد إلى أسلوب التعامل في الحوار والدعوة مع المشركين؛ بأن يكون بالحكمة واللين وعدم الاستفزاز.

باختصار: الآية الأولى تحكم علاقة المشرك بالمسجد الحرام. الآية الثانية تحكم أسلوب التعامل معهم بالكلمة أثناء الدعوة.


r/CAIRO • • Apr 25 '26

Politics | سياسة ده مش ميم ده فيديو حقيقي لقيته

Post image
803 Upvotes

r/CAIRO • • Oct 16 '25

Art & Photography | فن وتصوير :pic: Reason why Irish people support Palestine 🇵🇸☘️🇮🇪

Post image
800 Upvotes

r/CAIRO • • Jan 20 '25

News :news-icon: أخبار شايفين الفرق

Post image
774 Upvotes

الصوره اللي فوق الاسرى الاسرائلين طالعين مبسوطيين بعد الافراج عنهم من قبل قوات القسام ولا كانهم كانوا محتجزين اصلا والصوره اللي تحت الاسرى الفلسطينيين بعد الإفراج عنهم من الكيان حسبي الله ونعم الوكيل


r/CAIRO • • Nov 20 '25

‎:sh1::sh2: Social life | حياة اجتماعية بص للكابشن ضروري

Post image
763 Upvotes

في حملة عاملينها الكمايته دلوقتي على المطاعم السورية

  • بيقولو عليهم لاجئين

  • بيقولوا للناس قاطعوهم ونفع ابن بلدك

  • بيغلطوا فيهم وعايزينهم يترحلوا

طب يا سفيه منك له معملتش كده مع ماك واستاربكس وبيبسي ليه؟

  • معملتش كده مع منتجات الصهاينة ليه مش بلدك اولى؟

  • اشمعنا جاي على اخواتنا السوريين؟

العيال دي مش بتمثل الا نفسها فقط

  • اي اخ مسلم ، عربي منور مصر

  • ولا فرق بينه وبين اى مصري عند ربنا "إلا بالتقوى"

  • ربنا يرزق كل مسلم في مصر


r/CAIRO • • Oct 12 '25

Palestine | فلسطين ‏سبع رصاصات غدر وحقدٍ اخترقت جسد الصحفي البطل صالح الجعفراوي على يد عملاء إسرائيل في مدينة غزة. رحمك الله يا صوت غزة.

Post image
761 Upvotes

r/CAIRO • • Apr 10 '25

‎Social life | حياة اجتماعية سائحه بتضرب واحد عشان بيضرب الحمار

756 Upvotes

r/CAIRO • • Jul 13 '25 This

:C1::C2::C3::C4::C5::C6::C7: خلي بالك!!!

Post image
750 Upvotes

خل


r/CAIRO • • Sep 06 '24

Social life | حياة اجتماعية :sh1::sh2: فضفضة صديق سبعيني ويارب ولاده ما يكونوا هنا

732 Upvotes

من فترة كنت قاعد مع صديق كبير في السن ولقيت عنده رغبه يفضفض رهيبة ، انا بستغرب أصلا لصداقتنا لفرق السن الكبير ، المهم الراجل دا قضي حياته كلها يعمل في السعوديه ومخلف أولاده كلهم هناك واللي هما عدد كبير بالمناسبة ، وكمان كلهم متعلمين كويس اللي دكتورة واللي مهندس واللي محاسب ، وكمان دينيا متفوقين لدرجة إن كلهم واخدين إجازات للقرآن وأسانيد في السنة وكدا وراح جاب الشهادات دي كلها يوريني

بيقولي في مرة إمام المسجد اللي هو مصري بردو كان بيقدم ابنه الصغير في الصلاة دائماً رغم إنه كان صغير جدا وقتها ، فبيقولي الإمام قدم ابنه مرة ودا معجبش أحد السعوديين اللي رفض يصلي ورا ابنه وشد الولد و وقف هو إمام ، والمهم السعودي وهو بيقرأ غلط والولد رده ، فمن الصوت السعودي عرف وعند وكمل فالولد أصر ورده تاني ، وتاني السعودي عند أكتر لدرجة أنه اتنرفز من رد الولد ليه ، وبعد الصلاة قام زعقله وقاله انتا مفكر نفسك مين انتا عيل والكلام دا ، بيقولي انه هو كان في نفس الصلاة وابنه واقف جنبه وانه كان عمال يسكت ابنه انه يرد السعودي بس الولد أصر يرد ، بيقولي مردتش أنا علي السعودي بعد الصلاة إلا لما أتاكد الأول ولكن ابنه اللي كان بيرد وقاله انتا غلطت في كذا وبتتنطق كذا عشان كذا ، فكان مبسوط جدا وحس انه أنجز حاجة في حياته وهو شايف جرأة ابنه في الحق ، المهم بيقولي حبيت اتأكد من معلومة ابني فسيبته بيتكلم مع السعودي وخرجت اتصلت علي صالح المغامسي (هو كان علي معرفة بيه مش واسطة) واتصل يستفسر من الموقف فالشيخ صالح قاله اديني الرجل السعودي اكلمه وافتح المايك ، بيقولي لقيته بيقوله ليه بتزعق للولد والولد رأيه صح وانتا غلط وبعدين الولد اللي عندك خليفتي في الصلاة في المسجد عندك ولا أحد يأم الناس في وجوده ، بيقولي السعودي كان مش مصدق انه بيكلم الشيخ و إتأسف ليا و لإبني ، المهم يعني انه كان بيتشرف بولاده وكانوا عاملين ليه سمعه ومكانه كويسة بين الناس

بيقولي ابنه دا لما كبر شوية خبط واحد بالعربيه وهو بيعدي الطريق بدون قصد طبعا وطلب له الإسعاف والشرطة وفضل واقف جمبه ولكن للأسف الراجل مات بيقولي اللي دفع دية اللي مات واللي كانت رقم كبير بالمناسبة ساعتها المصلين بتوع المسجد اللي لما عرفوا انه عمل حادثة لما استغيبوه في أول صلاة بعد الحادث لقاهم واقفين معاه وجمبه لحد ما دفعوا الدية والولد طلع بيقولي انا مكنش تقريبا ليا أي دور أصلا وساعتها حسيت فعلا بحفظ ربنا

بيقولي لما رجعوا مصر بنت من بناته راحت الأزهر تاخد شهادة لتحفيظ القرآن وبالفعل اخدتها ، وبعدها اختها حبت تاخد نفس الشهادة وراحت تمتحن فقابلت الشيخ بتاع الأزهر اللي بالصدفة طلع نفس الشيخ فبيسألها انتي منين قالتله من كذا فخدها بالشبه وعرف انها أخت البنت الأولى اللي امتحنها فقالها انتوا كام بنت ؟ قالتله خمسة قالها وكلكوا حافظين القرآن ؟ قالتله اه كلنا فاداها أربع شهادات ليها واخواتها لمجرد الثقة في مستوي اختهم الكبيرة ( ثقة مش محسوبية )

صديقي وهو بيحكي كان بيعيط من الفرحة وإن ربنا وفقه يسيب بداله في الدنيا أولاد كويسين ، أنا بقي كنت مستمتع جدا وكان نفسي يفضل يحكي كتير و الخلاصة هتقولي بتقول دا ليه مش عارف بس حبيت احكي نموذج شايف انه كويس لأسرة سعيدة وأتمنى أشوف هنا ناس تحكي أكتر عن نماذج النجاح اللي بجد اللي تخلينا نتفائل شوية وسط القرف اللي بنعيشه ويبقي فيه أمل مش شرط في الدين بس أو خارج البلد

وشكرا لو قرأت و أسف على الإطالة


r/CAIRO • • Mar 01 '25

:sh1::sh2: Social Life | حياة اجتماعية نصيحه من اخوك

Post image
713 Upvotes

r/CAIRO • • Nov 18 '25

Religious Content | محتوى ديني 🕋📿 افهموا بقى

Post image
707 Upvotes

r/CAIRO • • Aug 26 '25

:n1::n2::n3::n4: أحسن قرار خده في حياته

Post image
696 Upvotes

رَبَّنَا أَخْرِجْنَا مِنْ هَٰذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا.


r/CAIRO • • Oct 04 '26

News | أخبار كلاب دولة العسكر

695 Upvotes

r/CAIRO • • Oct 21 '25

Religious Content | محتوى ديني 🕋📿 سيدة بلجيكية تجاوزت التسعين اعتنقت الإسلام بسبب أخلاق جارها المسلم الذي كان يعتني بها.

Post image
695 Upvotes

إِنَّكَ لَا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَن يَشَاءُ وَهُوَ أَعْلَمُ بِالْمُهْتَدِينَ