r/KuwaitForKuwaitis • • Oct 15 '26 Bravo

إبداع | Creativity 🎨 اسف والله

Post image
268 Upvotes

حبيب دين امي🥰


r/KuwaitForKuwaitis • • May 23 '25

ترند | Trends صور كويتية قديمة vintage kuwaiti visuals

Thumbnail
gallery
252 Upvotes

r/KuwaitForKuwaitis • • Mar 17 '26 Diamonds are Forever

اخبار | 🌎 باركولي فزت في مسابقة سوني للتصوير :)

Post image
247 Upvotes

الحمدلله حصلت على المركز الاول في مسابقة سوني العالمية فئة الجوائز الوطنية ٢٠٢٦ واهدي فوزي حق حبيبتي الكويت🥰


r/KuwaitForKuwaitis • • Jun 19 '25

بفضفض | 😤 واحد عاكسني جدام زوجي

192 Upvotes

اليوم صار موقف جدا بايخ للحين افكر فيه و حيل مضايقة رحنا اليوم انا و زوجي و ولدي على العاصمة مول، و احنا مروحين انا ماشية مع زوجي و ولدي بالعربانة جان جروب شباب يمرون من جمبنا و اسمع واحد يناديني "يا عمري"، زوجي مو مال هواش و انا ما احب المشاكل و هلأشكال اصل بس تبي attention ف احسن شي (من وجهة نظري ) الحقرة، فحقرناهم و كملنا طريجنا للسيارة. بس ما اخبي عليكم اني حيل متظايقة، شلون يعني يشوفون وحدة مع زوجها و ولدها و يقطون عليها كلام! ندفن نفسنا يعني ولا نحبس روحنا بالبيوت ولا نموت ولا شنو نسوي عشان تتركونا بروحنا! خلاص يعني ولله مو حياة هاذي. شنو استفدت انت الحين؟ ربعك قالولك واو ريال؟ شنو هدفك من هلتصرف؟ خلاص لهدرجة ماكو حيا ماكو احترام؟


r/KuwaitForKuwaitis • • Jun 04 '25

إبداع | Creativity 🎨 السلام عليكم بعض ابداعاتي بالكروشيه

Thumbnail
gallery
179 Upvotes

الكروشيه عشق بنسبه لي بحب كلو اقساموا لكن الدمي اكثر قسم محبب لدى


r/KuwaitForKuwaitis • • Jul 10 '25

نقاش | 👥 مبروك الصدارة العالمية

Post image
160 Upvotes

r/KuwaitForKuwaitis • • Jun 25 '25

إبداع | Creativity 🎨 لوحتي في فندق ولدورف استوريا😁

Post image
152 Upvotes

أقدم لكم لوحتي الي سويتها حق احد زبايني الي انتهى فيها المطاف و تعلقت في فندق والدروف استوريا الكويت

هذا المشروع خذه سنتين عشان اقدر انجزه و يوصل العمل حق مرحلته النهائية و اتمنى يعجبكم الشغل🫠

الي حاب يشوف باجي اعمالي تقدرون تشوفون على حسابات التواصل الموجودة بروفايلي 😄


r/KuwaitForKuwaitis • • Nov 12 '25

نقاش | 👥 انتم السبب

146 Upvotes

أنا لاحظت في كل طفل بشارع او مراهق .يعامل العمال والوافدين بطريقة سيئه وغير محترمه وكانها خادم له

مع الوقت لما شفت الاباء والامهات . لما يكونون مع عيالهم يعاملون الخدم بمعامله سيئه وبعدين طفل لا ارادي يصير يعامل الناس مثل طريقة اهله

تروح مطعم هندي او اي مطعم او محل . تشوف مراهق يعامل العمال بطريقة مقززه ودك تمسكه وتمسمح فيه الشارع

ما اقول إلى حسبي الله على كل إنسان يعامل الناس بهذي الطريقة

وربي يجازيه على نيته بظلم للناس

بنهاية كلنا بشر وما في فرق بينا وبينهم

هم تاريكن اهلهم وجايين يشتغلون على ١٥٠ او ١٠٠ دينار

والله في ناس منهم يسوي شهر عسل وبعدها يترك زوجته ويجي يشتغل عندما وكل سنه او ٣ سنوات يشوف زوجته مره وحده


r/KuwaitForKuwaitis • • Jul 06 '26 Regret

نقاش | 👥 منظر يضيق الخلق

Post image
145 Upvotes

افهم قرار البلدية بإزالة السور بس ليش يقصون الشجر؟ وين مارحت اشوفهم مقصصين بهالشجر حرام والله الكويت محتاجة تخضير،

بس بدال ما يشجرون الكويت ويزينونها يقصون الشجر

يزرعون نخل ما يعطيك ظل ويموت بسرعه

يحطون لك ثيل صناعي اللي يسبب حراره بدال الطبيعي اللي يبرد.

ليش؟

البيئة بالكويت سيئة


r/KuwaitForKuwaitis • • Oct 11 '26

إبداع | Creativity 🎨 تجربة رسم جديدة لي

Post image
137 Upvotes

السلام عليكم

رسمت رسمه بأسلوب يديد. وعندي سؤال هل واضحة الصوره ؟

مفهوم الطبق اللي بالصوره ؟ وهل طولت على ما استوعبت الصوره ولا كان سهل

وشكرا لكم


r/KuwaitForKuwaitis • • Apr 21 '25

نقاش | 👥 التحرش

123 Upvotes

ليش توصل نفسك حق مرحلة انك تروح تطلب من وحده تعطيك ويه ولا رقم ولا سناب؟ ليش تنزل من كرامتك و رجولتك و تذل من نفسك على شي قبل لا يكون عيب فاهوا حرام؟ انا ريال و متضايق عالمصخره، الناس صارت تتحرش و تاذي خلق الله بالشارع و المجمعات و السوشل ميديا، اللي يقط كلمة واللي يسوي حركات واللي يخز، مراهقين و شباب و متزوجين و كبار، صير ريال و خل عندك كرامة و عزة نفس و شخصية.

الواحد مثل ما يخاف على اهله مفروض يخاف على بنات الناس، اذا انت تسوي هالشي فبيصير باجر بمرتك ولا بنتك ولا اختك، غير الذنب اللي بتاخذه عند رب العالمين، اللي عنده رفيج ولا اخو ولا اي احد يعرفه ينصحه مره و مرتين و عشر لان اللي تسويه ببنات الناس بيرد حق اهلك.


r/KuwaitForKuwaitis • • Nov 01 '25

بفضفض | 😤 ليش الناس ماتحب ال small talk

121 Upvotes

قبل شوي كنت بقهوه وكنت انطر قهوتي وفبه تأخير بتجهيز الطلبات وجمبي شايب وقلت له شدعوه باربيكيو تنطر ١٠ دقايق عشان تستلم طلبك وقالي أنت شدخلك وطالعني بنظره أنت منو عشان تكلمني

كان يقدر يضحك أو حتى يتجاهلني بس قرر انه يكسر قلبي


r/KuwaitForKuwaitis • • Apr 10 '25

نقاش | 👥 أنا والمقاطعة

118 Upvotes

أنا مقاطعة ، طبعا مالي شغل باللي مو مقاطع ليش مايقاطع او غيره مو شغلي كل واحد له وجهة نظر وكل كيفه ؛ لكن استغرب من نظرات البعض لما اقول لهم اني مقاطعة أو لما اكون في الجمعية وامسح الرمز بالتطبيق علشان اعرف اذا المنتج اذا مقاطع او لا ؛ اشوف بصراحة استهجان غريب من البعض وكأني سويت شي غلط
تعتقدون شنو ممكن يكون السبب؟


r/KuwaitForKuwaitis • • Aug 02 '26

ترند | Trends رسالة اعتذار ومحبة من عمان إلى إخواننا في الكويت 🇴🇲❤️🇰🇼

Post image
117 Upvotes

حيّكم أخواننا وأهلنا في الكويت،

بالنيابة عن نفسي وعن كل أهل عمان، نتقدم لكم ولرجال الشرطة الأوفياء بالاعتذار عن هالتصرف.

نؤكد لكم أن تصرفات الأفراد لا تمثل إلا أصحابها، وأهل عمان يملكون كل الاحترام والتقدير للكويت وشعبها ورجال أمنها... ونتعهد لكم أن هالتعويذة مال تحويل إلى سلاحف ملغاة تماماً ولا نستخدمها هتى ببهلاء.

كل المحبة والتقدير لكم ولرجال الأمن في كويت الخير.


r/KuwaitForKuwaitis • • Oct 25 '25

بفضفض | 😤 ليش الناس لحد الحين تسافر لتركيا؟؟؟

Thumbnail
gallery
117 Upvotes

((الصور من بوست واحد ملامحه تشبه اسيويين تركيا يقول هل رح يتعنصرون الناس علي اذا جيت تركيا؟))

لا دوله زينه ولا جو حلو بالصيف خيسه تخلي الواحد يطلع من المله والشتاء ثلج يصب الركب والناس نفوسهم شينه وقاعدين يتعنصرون علينا والود ودهم يتفلون بعين كل عربي وخليجي قاعدين يحاولون يطفروننا ونفسياتهم خاااايسه ومافي مكيفات وحتى المشروبات يبيعونها حاره مافي ثلج ويا ليت اسعارهم رخيصه نصابين حراميه

انا بحد ذاتي اخر مره كنت هناك (مجبوره مو بكيفي) في وحده كانت تمشي بسيارتها على الخفيف شافتني انا وامي(منقبه) نمشي قامت زادت السعره الله ستر علينا ولا كنا بنودع من وراها

يعني جد يع وفوق هذا كومنتاتهم على مواقع التواصل الاجتماعي فيها غل وحقد مادري ماكلين حلال ابوهم ترى دولتكم بكبرها قائمه على السياحه! بدون فلوس الخليجيين والسوريين اللي يشتغلون عندكم ما تسوون التاليه من الغنم


r/KuwaitForKuwaitis • • Jan 11 '26

نقاش | 👥 معقولة وصلنا لي هالمرحلة بالكويت؟

115 Upvotes

عندي صديق طفولة أعرفه من سنين وعلاقتنا حيل وطيدة ونعرف بعض عدل، صارلنا كذا سنة كل واحد فينا قاعد يدور على شريكة حياته بالطريقة التقليدية المتعارف عليها والي أهي من خلال الأهل، وكل واحد فينا قاعد تحصل له مواقف غريبة وكوننا أحنا بنفس المرحلة من الحياة فقاعد نسولف ونشارك بعض هالتجارب، لكن حصل حق صاحبي موقف جداً غريب ويقهررر! أنا سمعت سالفته قبل شهور لكن لي الحين اتنرفز وانقهر كلما أتذكرها وأقول بيني وبين نفسي "معقولة وصلنا لي هالمرحلة بالكويت؟"

بس قبل لا أقول السالفة لازم تعرفون باك قراوند عن صاحبي: عمره فوق ٣٠ شهادته بكالريوس من برا ويشتغل بوظيفة حساسة ومن عايلة ملتزمة دينياً وأهل خير والله منعم عليهم، والريال أعرفه عدل وأهو مثقف وذكي واجتماعي ومتربي ١٦ مرة، يعني من الآخر الريال ذهبة ولو عندي أخت راح أزوجه أختي.

الي حصل أن الريال تقدم حق وحدة وأموره كانت ماشية تمام والبنت والأهل كانوا موافقين عليه، وبعد فترة التعارف حددوا يوم حق خطبة الرجال الرسمية، ويقول صاحبي قبل الخطبة بيوم دق عليه أبو البنت وقاله "أنت مالك نصيب والله يوفقك"! ولما سأله صاحبي عن السبب رد عليه "لأن جنسيتكم سابعة وأنت عارف وضع البلد"!! الي منرفزني أن صاحبي انقهر وماعرف يرد عالأبو وبلعها وسكت بحكم أنه حييل محترم وما يعرف يغلط على أحد، والي حرني أن عوايلهم من نفس الطبقة الاجتماعية وحسب كلام صاحبي بينهم نسب وقرابة من طرف الأم والأب والتعالي هذا أبداً ما كان مبرر.. شخصياً أشوف الأب جليل حيا خصوصاً أن أخذ له أكثر من شهرين يسأل عن الولد قبل لا يدخله بيتهم، ولو موضوع "مادة الجنسية" حيل هامه ومن أولوياته المفروض من الأول يسأل عن هالشي ويرفضه قبل لا يدش بيتهم،، وحالياً صاحبي من ذاك اليوم وأهو شايل فكرة الزواج من رأسه ودخل بدوامة سوده وخايف ينعاد فيه الفلم وينصدم مرة ثانية.. معقولة وصلنا مرحلة ما نزوج إلا الي مادة أولى؟ إذا فعلاً فأحنا وصلنا الحضيض، واختتم بالحديث النبوي الشريف "إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير" صدق رسول الله صلى عليه وسلم.


r/KuwaitForKuwaitis • • Jun 10 '25

بفضفض | 😤 البصمة الثالثة عبارة عن ظلم

113 Upvotes

انا معلم لغة انجليزية ملتزم بداومي ولله الحمد ونادر جدا ما اغيب. دايما اعطي جهدي الكامل وزيادة بالدوام ولكن يشهد الله البصمة الثالثة حطمت حبي لهذي المهنة. توني بحسب التأخير الي عندي على اساس اشوف الأمتياز, وللعلم انا كنت متأكد 100% بأني مو متأخر أبد بحكم اني ما اغيب وملتزم, ولكن انصدمت ب22 ساعة تأخير. ليش؟ البصمة الثالثة. في بعض الأحيان اخذ استئذان صباحي, يعني اداوم الساعة عشر الا ربع بحكم ماعندي اول حصص ويكون عندي سابعة, وحزتها محد كان عارف الية البصمة (شهر 2 وشهر 3) ولحد الحين محد عارف, كنت ما ابصم تواجد على اساس اني ماخذ اذن حضور. انصدمت تأخير 22 ساعة بس لأني مابصمت تواجد للعلم مداوم ومبصم انصراف! وفي يوم ثاني بصمت بعد البصمة ب3 دقايقة حاسبين ساعة وثلاث دقايق تأخير. والله ماني من النوع الحقود, لكن اسأل الله سبحانه وتعالى مايوفق صاحب القرار لا دنيا ولا اخره. اقعد اكرف كورس كامل اخر شي يحسبون تأخير 22 ساعة بسبب هالبصمة الي مالها داعي؟ ترانا ننسى وربي مو روبوتات! الحين راح مني امتيازي, وخصم راتب, وتعب كورس كامل. برافو ياكويت. حطمونا اكثر.


r/KuwaitForKuwaitis • • Nov 04 '25

نقاش | 👥 دروس الشيخ عثمان الخميس

Post image
112 Upvotes

حضور دروس الشيخ عثمان الخميس متعة حقيقية. طريقته في الشرح ما تحس فيها وقت، يشرح بطريقة بسيطة وواضحة، وبنفس الوقت تحس بثقل العلم اللي عنده. كل درس يفتح لك باب جديد من المعرفة وتطلع منه وأنت فعلاً مستفيد. الله يجزى الشيخ عثمان الخميس خير الجزاء، وينفع بعلمه، ويطيل عمره على الطاعة، ويجعله سبب لهداية الناس وثباتهم على الحق🤍 من حضر دروس الشيخ؟ وشنو المعرفة الي حصلتوها من الدروس؟


r/KuwaitForKuwaitis • • Aug 08 '25

Media | 🎥 صور من رحلة الغزير (١٩٨٤)

Thumbnail
gallery
106 Upvotes

بعدسة د. يعقوب الحجي، أحمد معرفي، حسن سراب، عبدالإله معرفي.


r/KuwaitForKuwaitis • • Oct 02 '25

نقاش | 👥 مو چنة الوضع صاير يضحك ؟

105 Upvotes

يجيك من وراء يحك بين السيارات لين يوصل أول الإشارة


r/KuwaitForKuwaitis • • Aug 12 '26

‏عندي سؤال | ❓ قطوتنا حامل

Post image
104 Upvotes

ماندري منو العتوي


r/KuwaitForKuwaitis • • Dec 28 '25

إبداع | Creativity 🎨 شخابيط و كذا

Thumbnail
gallery
104 Upvotes

ابد بس اكتشفت تطبيق رسم جديد و نسيت نفسي و مر فجاه يومين بدون ما احس 😂

احس ودي ارسم حليب كاكاو كي دي دي


r/KuwaitForKuwaitis • • May 23 '25

بفضفض | 😤 حال دولتنا الحبيبة؟

104 Upvotes

الصراحة مادري اذا هذا يعتبر نقاش او فضفضة بس اتمنى ما تزعلون مني و إلي عنده وجهة نظر مختلفة اتمنى يشارك.

اذا بنكون واقعيين حال ديرتنا كل ما ياله اسوء و احنا فئة الشباب حاسين فيها أكثر من غيرنا خصوصاً بتأثير بعض القرارات على مستقبلنا خصوصاً أن جميع الدول بلا استثناء عندها هدف واضح.

في كثير عشوائيات قاعدة تصير بالديرة منها سحب الجناسي, و حتى لو انت مع السحب طريقة السحب عشوائية و حتى لما سألوا الوزير الشيخ فهد اليوسف عن كم عدد السكان راح يصير، جوابه صدمة لأي احد فاهم وهو: خل يصير الي يصير، و هذا الشي يبين لك أنه ما عندهم اهتمام للنمو السكاني ولا احتياج الدولة في سوق العمل، عادي مستعد يقل عدد الكويتيين عن احتياج سوق العمل و نصير دولة عجوز.

المدارس و طريقة التعليم مالها فلسفة و لا رؤية، و طلع قرار أو تعميم بضبط المناهج لكن الهدف مو تجهيز المواطن جاهز لسوق العمل، و لا تعزيز القيم الإنسانية، و لا خلق مجتمع عالم و عامل ولا التركيز على الجانب التطبيقي من المنهج (بدل الحفظ و التفريغ بالامتحان)، لأ. كان الهدف بالتعميم معرفة المواطن للحقوق و الواجبات، شي طيب لكن مو هذا المغزى من التعليم أصلاً. و طبعاً ضيف التخبط بالتعليم مع التفكير بسوق العمل راح تشوف السبب الرئيسي للبطالة المقنعة عندنا و ليش يكون في تكدس لتخصصات معينة و شحة و قلة بتخصصات ثانية.

مابي اقارن بدول ثانية و لا شي، لكن احنا تخطيط بسيط ما عندنا، و الي يشتغل بالوزارات راح يفهم الي اقوله، ماشين على البركة و دعاء امهاتنا بس، التغيير السريع في القرارات و عدم دراستها و عمل نسخ و لصق لأشياء قديمة و النتيجة فشل.

كلنا نحب ديرتنا، بس هم الواحد لازم يفكر احنا ليش صرنا چذي؟ شلون نقدر نطور من وضعنا علشان احنا و عيالنا نعيش بهالديرة و تدوم لنا و ما تاكلنا دولة ثانية بسبب ضعفنا


r/KuwaitForKuwaitis • • Jan 15 '25 This

اطعام قط جائع خير من بناء جامع

Post image
102 Upvotes

r/KuwaitForKuwaitis • • Aug 15 '25

بفضفض | 😤 وعزتي وجلالي لأنصرنك ولو بعد حين

Post image
100 Upvotes

قال رسول الله ﷺ: "اتقوا دعوة المظلوم فإنها تحمل على الغمام يقول الله: وعزتي وجلالي لأنصرنك ولو بعد حين".

وقال ﷺ: "واتق دعوة المظلوم، فإنها ليس بينها وبين الله حجاب".

فحسبي اللَّه ونعم الوكيل؛ مستغنياً بها عن كل أحد، مستكفياً بها من كل حاجة، مستنصراً بها على كل ظالم، متقربا بها إلى اللَّه، مزيلاً بها كل كرب وهم وحزن، مكتفيا بها عن كل شعور، راضياً بها عن كل قدر، مستجلبا بها كل رزق، مزيلاً بها كل ضيق، محتمياً بها من كل شر.