r/ExJordan • • Aug 06 '25

Educational (Poll!) I am wondering,

2.9k Upvotes

How many of you are raised in a non-religious household, or have an open-minded family that accepts and loves them as whoever they are?

Mine is religious but accepting (Somehow)

I’m genuinely curious to see the results.

I’m guessing it would be favorable towards religious but not accepting due to obvious reasons. Let’s see!

48 votes, Aug 13 '25
5 My family is non-religious and accepting
2 My family is non-religious but not accepting
13 My family is religious and accepting
15 My family is religious but not accepting
13 My family is fucked up and they fucked me up with them

r/ExJordan • • Nov 14 '25

Humor | فكاهة ما شتت الا لما اجت هيفا

Post image
221 Upvotes

r/ExJordan • • Sep 10 '25

Rant | فضفضة Update رح اشلح الحجاب!!!

Thumbnail
gallery
171 Upvotes

بعد ما نزلت هون تشجعت احكي لأهلي، بلشت بأمي لأنه فكرت رح تقدر تستوعبني لأنها انثى زيي واكيد اي ام لما تعرف انو بنتها بتطلع مش مرتاحة كل يوم من البيت رح تلين بس رفضت رفض قاطع وقالتلي بتبرى منك بعدها بساعات فتحت الموضوع مع أبوي واقنعته طبعا حكيت كل يلي في قلبي ودموعي نزلت لا اراديا حكالي لا وضل يحكي الكلام المعتاد عن الحجاب وانتي جوهرة والناس شو رح يحكوا دخلت غرفتي وانا زعلانة وبعد فترة أبوي دخل على غرفتي وحكالي انتي حرة بس اعرفي انه انا ابوكي حاب تكوني محجبة وحكالي لو بدي اشلحه شرط البس مستر لما اطلع معه وما اغير من شخصيتي ومن تربيتي طبعا اناا ما صدقتتت لحد هسا مش مصدقة من كثر الفرحة قاعدة برمي الحجابات في الزبالة كثير مبسوطة ومنصدمة من أبوي بحسه واخيراً وقف جنبي وصار سند اول مرة يحكي معي بهاي الطريقة دون اجبار وبتمنى كل شخص ضحك علي ورمى كلام بخزي على هذاك البوست ينجبر على اشي ما بحبه ولا بآمن فيه عشان يعرف الشعور


r/ExJordan • • Jun 23 '25

General Support | دعم ومساعدة CREEPY REDDIT GUY 2.0

Post image
163 Upvotes

Hello there, i felt like i have to update everyone here on Reddit 😂

I posted a while ago about a guy with the weirdest fucking username ever, we met here on Reddit, we’re both atheists , we chatted, went on a date, fell in love, and he turned out to be the love of my life, and the one person I wanna spend my life with, we couldn’t imagine life without each other,and I knew ever since I met him he was the one for me.

WE JUST GOT THE ENGAGED 🥹❤️💕


r/ExJordan • • Jan 17 '26

Discussion | نقاش تصريح جريء

Post image
159 Upvotes

تقسيم الميراث لم يعد مجدي من زمان ولا عمره كان مجدي خلال آخر 1000 سنة.


r/ExJordan • • Aug 25 '25

Rant | فضفضة جحيم الوعي

144 Upvotes

البلد زي مقبرة المساجين، الهوا اصفر، الشجر باهت، بتطلع بالشارع الناس بتشبه بعض، باللبس والنظرات ولغة الجسد، المشهد نفسه كل يوم، لما تحكي مع الناس ما بتلاقي شي جديد، نفس التفكير والردود عالافكار، نفس النقاشات، المحلات كلها بتبيع نفس الأشياء، بتدخل عالسوشال ميديا الناس بعجبها نفس الاشياء وبتكره نفس الاشياء، صعب الواحد يستقل ب اي شي، من ناحية مادية ونفسية، ما في مساحة تعلم ونقد حقيقي لانه النتيجة وحدة بوسائل شبه مختلفة، القوانين متأخرة عن الوجود والناس مبسوطين عالوضع وبزقفوله، دوامة لا نهائية مسكرة بحديد.


r/ExJordan • • Jun 12 '25

Discussion | نقاش جد ، ايش السبب؟

Post image
141 Upvotes

r/ExJordan • • Apr 15 '26

Social Media في المدينة الوردية ترفع اعلام الحرية 🏳️‍🌈🏳️‍⚧️

Post image
140 Upvotes

r/ExJordan • • Apr 10 '26 Heartwarming

Discussion | نقاش انا اردني ديوث وافتخر 🇯🇴

137 Upvotes

اختي الي اصغر مني ، عمرها 21 سنة وغير محجبة ، عندها صداقات مع شباب من دفعتها ودايما بتطلع معهم هي و صاحباتها ، وكثير بلاقيها مرات بالليل بتحكي معهم وبتضحك وبتتسلى ، ومع ذلك بعمري ما قلتلها لا او ديري بالك او علاقتك فيهم غلط

2.
قبل سنتين كانت بعلاقة غرامية مع شب وكانت تطلع معه ومع ذلك ما عمري تدخلت فيها ولا حكيت معها بخصوص علاقتها بحبيبها

3.
مرة اختي كانت بدها تورجيني صورة معينة على تلفونها فلما فتحت الغالاري قدامي ، بالغلط ظهرت صورة الها مع حبيبها وهو حاضنها
فخافت كثير ووجهها صار احمر فكرتني راح اتصرف تصرف سلبي معها ، ولكني فاجئتها باني قلتلها شو يا زعرررة وك ارحمي الشباب (مع ضحكة) وتحول الموقف من أسوأ موقف بحياتها لالطف واغرب موقف بحياتها يمكن

4.
مرة اجا علي صاحبي بحكيلي انه شاف اختي بكوفي هاوس مع شب
و وصف لي شكله ، فعرفت انه قاعد بوصف بحبيبها
فقلتله اه بعرفه هاض حبيبها ( انصدم صدمة عمره ) صار يقولي يعني الموضوع عندك عادي؟ قلتله اه عادي حرة تعمل الي بدها اياه ، رد علي بقولي ما كنتش خابرك من جماعة "الاوبن مايند" انت اكبر من هيك انت ابن عشيرة محترمة وهاي بكرا بتجيبلكوا سمعة عاطلة وبتحط وجوهكوا بالارض ، قلتله اخوي ان شاء الله تجيبلنا نيزك ، هي حرة هاي حياتها وتعمل الي بعجبها ، ومن يومها والشب بتجنبني لانه حسب ما حكولي صحابي انه ما بشرفه يصاحب قرن

وبقول بالاخير اني فخور قد الدنيا باختي الحرة الشريفة ، الي عايشة حياتها زي ما بدها بدون قيود دينية او اجتماعية متسلطة وغبية ، وباكد على انه اختي لو شو ما اتخذت قرارات شخصية مستحيل الاشي يجيبلي عار ، العار الوحيد الي ممكن يجيني كاخوها ، هو لما اسطي عحياتها وقراراتها وامشيها ع طريق بدهاش تمشي فيه

نعم أنا ديوث ( حسب المفهوم العربي للدياثة ) واقول بملئ الفم : انا فخور بدياثتي


r/ExJordan • • Aug 05 '25

Rant | فضفضة خرا على الحجاب وعلى الي اخترعه وعلى الي فهم الشباب انه لبسي بعطيه حجة يثقل دم علي

Post image
137 Upvotes

الموضوع صار بقرف


r/ExJordan • • Nov 25 '25

Discussion | نقاش بنت بالجامعة تركت الحجاب

133 Upvotes

اليوم البنت الي كانت من اكثر البنات الملتزمات باللبس الشرعي بدفعتي تركت الحجاب مع لباسها الشرعي

دخلت البنت على القاعة وبس شفناها الكل سكتتتت . القاعة فجأة هديت وبطل في صوت 😂
الكل صافن فيها ومش مصدق (وانا منهم طبعا) 😂😂
انو احاااااا هاي البنت الي كانت تلبس لبس شرعي فل اوبشن جاية بجينز وجاكيت جلد وفاردة شعرها وحاطة كمان ميك اب؟!! مستحييييللل اكيد هاي بنت ثانية

انا من جوا كنت مكيفة عالآخر لانها تخلصت من اللبس الشرعي الوسخ وكانت ابتسامتي متر
بس بالمقابل الي حولي نظراتهم كانت بتقول : زناااااااااااااا
بلشو البنات يتوشوشن بين بعض وينمو عليها. وبلشو الشباب يتصهونو بين بعض
والدكتور الي كان كثير بحب يختار هاي البنت تشارك. اليوم ما اتطلع بوجهها اظن كان مصدوم معنا او انه دماغه الدعدوش صار يقوله : ازبل هذه الزانية 🤣

قلبي معها وبتمنى جد تتخطى هاي الفترة (لأنها راح تكون زبالة عليها راح صاحباتها يقاطعوها وتصير تشوف الكل بينم عليها واهلها ما يحكو معها و و و ) لكن الحرية تستحق المعاناة.


r/ExJordan • • Jun 03 '25

LGBTQ+ | مجتمع الميم يلا هذا الفيديو لعيون الهوموفوبيك والإعلام الوسخ 🏳️‍🌈❤️

129 Upvotes

r/ExJordan • • Feb 07 '25

Rant | فضفضة المعاصي والشهوات

Post image
129 Upvotes

نبيكم كان مجرم سفاح مغتصب قطاع الطرق. حرض ناس على الجهاد ونصب عليهم بآية الخمس عشان يستلم غنائم الحرب.

نبيكم أشرف على التطهير العرقي و إبادة القبائل اليهودية في الجزيرة العربية لانه ما زبطت معه انه يقنعهم انه نبي. كانوا عارفين انه نصاب.

نبيكم أشرف على مقتل أبوها لصفية بنت حيى و"تزوجها" (انتو عارفين الكلمة) في نفس الليلة.

نبيكم كان ينزل آيات التعايش لما كان في حالة ضعف. لما كسب أتباع سبحان الله صار القرآن صارم وصار الله بده يذل الكفار بالجزية وهم صاغرون.

نبيكم ألغى التبني لانه كان مشتهي زوجة ابنه بالتبني.

نبيكم حارب حرية التعبير وسمح وأمر باغتيال منتقديه.

إياك تقلي اني تركت الاسلام بسبب المعاصي والشهوات. روح راجع رسولك بالأول.

Police be upon him (PBUH)

والسلام عليكم ورحمة الله وبركاته


r/ExJordan • • Aug 24 '25

Post of the Week🎉 الجنس والمرأة في الإسلام – تناقضات بين التحريم والإباحة

Post image
123 Upvotes

الإسلام قدم نفسه كدين بيهدف لتنظيم السلوك الإنساني، لكن في موضوع الجنس تحديدًا الإسلام مليئ بالتناقضات والازدواجية. من جهة بيشدد على تحريم أي علاقة جنسية بالتراضي خارج الزواج وبيعتبرها من الكبائر يلي بتستوجب الجلد أو حتى الرجم. ومن جهة تانية، بيبيح للرجل انو يجامع السبايا يلي وقعن في الأسر حتى لو متزوجات من رجال آخرين.

هاد التناقض الموجود بالإسلام خلق مجتمع مختل. زلام بفكروا بالنساء كأدوات، أجساد تُستهلك، حور عين وسبايا، وكل تفكيرهم محصور بالغرض الجنسي فقط. شايفين النساء ملابسهم شكلهم وحركاتهم كلها اشياء استفزازية الهم، كأنو احنا أشياء بلا عقل أو شعور، وبينسوا تمامًا انو المرأة إنسان كامل، الها عقل، مشاعر، وكرامة لا تُقاس بالجسد

وهاد التناقض الجوهري بيكشف انو القضية عمرها ما كانت مرتبطة بمبدأ “الأخلاق” بس بملكية الرجل وسيطرتو على جسد المرأة.

بالإسلام ليس من الأخلاقي انو زلمة يحب امرأة ويشاركها الحب بالتراضي وليس من الأخلاقي انو يكون الجسد البشري وسيلة للمتعة المشتركة بين هدول الشخصين. بس بالمقابل مقبول ومسموح للرجل انو يغتصب امرأة سبية أو يمارس السيطرة عليها؟

وين المنطق؟ بأي دين، بأي شريعة، بأي مبدأ أخلاقي يُمكن انو يكون الحب بالتراضي خطأ، بينما العنف الجنسي مقبول؟ التناقض هاد مش بس غير منطقي، بل غير اخلاقي تماما. الدين أو الشريعة يلي تُقدس العنف وتجرّم الحب الطبيعي بتحول المجتمع إلى مكان مريض، و الضحية دائمًا هي النساء، والرجل نفسو أسير لأفكار مشوهة وكبت متراكم

في الأحاديث النبوية وحتى القرآن المرأة عبارة عن جسد مخصص للرجل. وهي “عورة” لازم تغطيتها وبرضو وهي مُطالبة دائمًا بتلبية رغبة الرجل الجنسية

“إذا دعا الرجل امرأته إلى فراشه فلم تأته، فبات غضبان عليها، لعنتها الملائكة حتى تصبح"

“لو كنت آمراً أحداً أن يسجد لأحد لأمرت المرأة أن تسجد لزوجها"

يعني حرفيا إرادة المرأة ما في الها قيمة قدام شهوة الرجل، وامتناعها يُعتبر معصية تستحق اللعن

والموضوع ما بيتوقف عند الدنيا، برضو بيمتد للآخرة. في القرآن أوصاف الجنة عبارة عن خيال جنسي مريض للرجل وعن اهانات مستمرة للمرأة حتى في الجنة.

“إنا أنشأناهن إنشاء، فجعلناهن أبكاراً، عرباً أتراباً"

يعني المكافأة الأخروية يلي النساء ليل ونهار بيتعبدوا لربهم مشان ينالو الجنة ويحصلو عليها هي مصممة على أساس المتعة الجنسية الذكورية.

عم بطرح هالموضوع لأنه الجنس المفروض يكون جمال، متعة، وعلاقة طبيعة بين البشر، مش أداة للسيطرة أو المرض النفسي. بس الدين في مجتمعاتنا شوه هالشي بطريقة مقرفة، تعليمات هاد الدين بخصوص الجنس انتجت كبت جنسي عند الرجال، ومع الوقت هاد الكبت بيتحول لأفكار مريضة وممارسات سلبية لما الرجل بيشوف الدين بيشجعه على فرض رغباته على المرأة

كم شخص مات بس لأنه حب او لأنه مارس حبه خارج الحدود التي فرضها الدين وكم قلب انكسر وكم نساء ماتت بسبب نصوص فرضت الرقابة على الرغبة الإنسانية؟ هدول البشر يلي حاولوا انو يعيشوا الحب والرضا، دفعوا حياتهم ثمن.

وفي المقابل كم شخص ارتكب أبشع الأفعال الجنسية بحق الآخرين اغتصب واستعبد ومارس مرضه النفسي وحرفيا تم تقديسو في المجتمع لأنو "ملتزم بالدين” أو لأنو في نصوص دينية تبرر أفعالو؟ الدين عمره ما رح يحمي ضحايا هدول المرضى نفسيا، لأنه هو يلي أعطاهم السلطة والشرعية ليتمادوا على نساء المجتمع ويطبقوا كبتهم ومريضهم النفسي على الآخرين

النساء هما يلي بيدفعو الثمن الأكبر لصورة الجنس المريضة يلي زرعها الدين في عقول الشباب المسلمين. من الطفولة، بيتعلموا انو الشرف مرتبط بعذرية الجسد ، وانو أي رغبة أو حديث عن الجنس عيب لا يُغتفر. المجتمع والدين شكلو مع بعض شبكة من القيود النفسية والاجتماعية بتخلي المرأة تخاف من جسدها، من رغباتها، ومن أي كلمة بتعكس حريتها الجنسية.

عنجد الضغط لا يُطاق. ونتيجة هاي التربية صارت النساء بتكره فكرة الجنس بالكامل، صار الحديث عنو خادش للحياء، والرغبة الجنسية نفسها وصمة لا تُمس.

Just a rant La2no t3ebt.


r/ExJordan • • Aug 04 '26

Social Media شجاعتها ❤️

119 Upvotes

r/ExJordan • • Mar 20 '26

Shit Religious People Say/Do 💩 البنت يلي انتحرت و الشراميط بتوع كلية الطب

116 Upvotes

في بنت بكليتنا انتحرت ، المهم وحدة من جروب البنات تبعون الكلية نزلت بوست أنه يلي عندها اي نوع من أنواع التعب النفسي تبعتلي ، وانا متل اي حدا وبعتت ، طبعا شو كل حكيها عن أنه راجعت دكتور نفسي وما فادها وظلت متيقنة أنه الله والدين هم يلي رح ينقذوها وكل رسالة بتبعتها بتأكد على انها ما استخدمت اي نوع anti - depressants وانه الروحانية هو يلي ساعدوها ...

هاي وهي بتدرس طب بتروج أنه الطب النفسي اشي كزابي ورغم كل دراستها مش مقتنعة بأن المرض النفسي مثله مثل أي مرض تاني زي الجلطات والالتهاب الرئوي

وخلال رمضان كان عند دفعتنا امتحان ميد بسستم معين واجا طالب ينتقد انو كيف رح ننشغل بهذا الامتحان العلماني الكافر ونترك قيام الليل لول لول لول

المصيبة انه بكره هاي الاشكال الشرموطة رح تكبر وتمسك عيادات ومشافي

كىىىىىىختهم على كىىىىخت اليوم يلي شفتهم فيهه

ما كنت بدي اكتب البوست بس تراكم كلشي جواي عن قرفهم لذلك كسخواتهم


r/ExJordan • • May 01 '25

Other الجامعة الأردنيّة ربيعًا في عام ١٩٦٧م ❤️

Post image
115 Upvotes

r/ExJordan • • Mar 06 '25 Diamonds are Forever Love

Rant | فضفضة هربت على كندا بس وين الانتماء؟

113 Upvotes

بعد ما فقعت معي 😤 انه يا خي فش مستقبل الي فهالمجتمع! قررت اخاطر بحياتي واخطط اهرب من بيت اهلي.

وفعلا سافرت لكندا ابلش حياتي من الصفر قبل حوالي - سنين. بعد قلق منهك نجحت بالاستقرار مع انه كنت لحالي بدون اي دائرة دعم. ما بعرف حدا حرفيا ولا حدا بكندا! كبنت ولا مرة سافرت لحالها كان الضغط النفسي ساحق ومتعب جدا. (حكتب كمان بوست شو تتوقعي حتكون حياتك ما بعد الحرية والاستقلالية)

خلفية

انا بنت عمري 28 تربيت بعيلة بدوية, العصبية القبلية بتنخر فيهم نخر. الحدت وانا 22 سنة. بحس هوايتي بالقراءة بالانجليزي كل مراهقتي كانت نظارة اشوف فيها العالم بألوان غير الرمادي. يعني "الحمدلله" ظروف تراكمية مكنتني ادخل مرحلة الشك وتقديس الاهل بات سرابا.

طبعا, الخروج عن الدين ما اله دخل بقراري. ببساطة, ما عمري حسيت انتماء لاهلي ولا القبلية ولا القرية. بالثانوية كنت بنت تصفن كثير واتخييل حالي بسافر العالم, احكي لغات, استكشف ثقافات, ادرس واحلام كبيرة عليهم. مع انه اهلي كانوا واضحين معي انه فش تعليم. انه نهايتي زواج, كنت واعية انه الحياة فيها اكثر من أن ينتهي بي الامر كزوجة تطبخ وتنظف! موضوع الزواج كان يجيبلي مغص والكل كان يعطيني ملاحظة انه عندي نزعة نسوية وحتجيبلي مشاكل. وفعلا فترة الجامعة كنت معصبة عالدنيا كلها وكثير اناقش واسائل ليش وكيف.

اش صار

زي كثير بنات حاربت تأتعلم. بعد ما اتخرجت اهلي خافوا كثير انه تركيزي بس تعليم لانه كنت محضر نيرد, فحرموني اكمل دراستي, اكتفي بكوني معلمة. وهون بلش النور يختفي من حياتي.

بعد رفضي المستمر, -كنت الاقي اعذار انه ما عجبونيش بس ما ارفض دغري- اهلي فات لقلبهم الرعب كوني البنت الكبيرة ووراي خوات لازم يتجوزوا. فاصروا اتزوج احد اولاد عمي اللي مشاكلهم ما كانت تخلص. بهذيك اللحظة بس اخوي حكى معاي انه ابن عمك هو افضل اختياراتك, بلشت اغلي من الاهانة والذل اللي حسيته وصبيت كل غضبي انه انتقم بالهروب بدون رسالة او اي وداع. يعني حتى دراستي بالجامعة حاربت عشان احصلها لانه ولا وحدة من بنات عمي راحت تدرس. فالعيلة الكبيرة وولاد عمي عيونهم علي ومراقبين كل تحركاتي. لما اشتغلت معلمة (لانه هاي هي المهنة الوحيدة اللي سمحوها) كانوا ولاد عمي يجننوا سماي. وين رايحة وين جاية؟ (اذا بروح لبنك او اتسوق ممنوع لحالي) لدرجة انهم مرة اقتحموا مركز تعليمي امام طلابي كنت ادرس فيه لانه في معلم جنبي بيعلم معي. كثير دمهم حامي وتفكيرهم رجعي ومتخلف. يعني ممنوع امشي بشارع حارتنا مثلا, لازم حدا يوصلني بالسيارة. ممنوع رخصة القيادة وهيك...

خطة الهروب

كنت ميتة خوف, يمما كيف حدبر حالي؟ ماذا لو وماذا لو, اذا لقيوني قبيلتي حيقتلوني باسم الشرف. خوف مبرر. اخذ مني سنتين استجمع قواي النفسية واضبضب شنتة صغيرة واهرب عالمطار. في السنتين بحثت موضوع الهجرة وشو خياراتي وفرت مصاري اكثر, قرأت مقالات وبحثت كثير وحتى اني قرأت كتاب عن كيف تكشف وتتفادى السايكوباتثز 😂تحسبا تحسبا. كنت ممثلة بارعة انه كل شي تمام, حكيت لماما اسمعي خليني ادرس هذا الكورس وحتزوج ابن عمي بعد ما يخلص. وفعلا سمحولي بتعليم اضافي اشتري فيه وقتي واخيرا. فكنت اروح عالمكاتب السفارة اسأل. ازبط اوراقي احكي مع محامية هجرة وهيك... وطبعا ولا منظمة نسوية ساعدت كلهم خايفين. لكن حظي كان منيح. لحد ما اجتني الفرصة المناسبة حجزت يمكن ٤ تذاكر طيارة, لانه كل مرة بختار يوم ااسافر فيه, بصير ايشي (خوالي بيجوا زيارة او او) بما انه ما كنتش بدي احرجهم مع خوالي وينتشر الخبر. (وفعلا الى الان مر سنين ما حدا بيعرف اني مختفية) 🙁🥺

https://open.spotify.com/track/59gg6zQhSKGVnkT3hWAY3l?si=338569e0313b4359 🎶

This piece expresses how it all went for me.

الهروب

كنت عندي بلايليست موسيقى حتى وانا بالطيارة اخفف الضغط واتنفس عادي. المشوار كله كان غريب. كانه مش انا اللي بتمشي, ما بعرف كأنه كنت على التشغيل الالي كل الوقت. فش خوف ولا مشاعر شيلي ابدا .تنميل. اول ما وصلت شلحت الحجاب بحمام المطار, زبطت شعراتي وتطلعت بالمراي وشفت عيون مصدومة كانهم مش عيوني. لحظة غريبة ما بتنتسى.

استقرار

كنت واعية تماما ان حكون لحالي تماما لاول مرة بحياتي. مافي دائرة دعم. بدون تجارب سفر او خبرة. القرار كان صح ضروري لكن اول سنة من الاغتراب كان تحول مخيف ومربك.
مهمة البحث عن سكن والعمل في البداية كان هذا هو الشاغل اللي اعطاني قوة وخلاني مركزة رغم التعب النفسي من كمية القرارات الهائلة اللي لازم اتخذها. صراحة, كان احساس مشوش اني مش في بنية وهيكل مجتمعي انا لحالي اعيد بناء نفسي من جديد . بعد ما عشت في بيئة وين كل شيء خاضع لسيطرة صارمة. طبيعي. احنا اتعودنا على وجود إرشادات واضحة، والآن بعدما اختفت الإرشادات، احساسي وكأني بتتنقل بدون خريطة.

https://open.spotify.com/track/3OpfrN3L1WDBXUYC2z2b8p?si=f1a13074bebc452e 🎶

مهمة البحث عن الانتماء تبدأ الان

بعد الاستقرار, في كثير مشاعر وتساءولات. انه صح كسبت كثير لكن انا يتيمة الان باختياري. خسرت عيلتي واصحاب. مؤلم اه.

توي رجعت من عطلة اسبوعين اراجع فيها وين وصلت. مشاعري بلشت تطلع واحساسيس باشتياق, حنين للماضي وعدم انتماء لان نادر ما اندمج مع العرب بكندا هون خوف انه حدا يتعرف علي. فبندور عالانتماء وسط ناس بشبهوني باشيا وما بشبهوني بالنفس الوقت. رحلتنا بلشت الان.

ليش كنت استنى انه الامور تتحسن لما حتى تعليمي ما حررني من السلاسل الوهمية؟! ليش كنت استنى شي ينقذني؟ صح كنت عنيدة كفاية اني اعرف انه الزواج ما حيعطيني استقلالية. مع ذلك كنت استنى منقذ؟ وضيعت سنين امثل دور البنت المطيعة؟ بنتهم اللي غير كافية وجديرة بالحب الا اذا تزوجت ورفعت راسهم.

وقت اخيرا تغلبت عالخوف اللي خلاني مترددة اني اواجه القدر واطالبه. استوعبت انه اه مستاهلة كل الرحلة وبعدني بالطريق.

في فيلم اسمه Brooklyn بالزبط حسيت انه بشبهني

As Eilis in the film Brooklyn said to a new immigrant:

“You have to think like an American. You’ll feel so homesick that you’ll want to die, and there’s nothing you can do about it apart from endure it.

But you will, and it won’t kill you. And one day the sun will come out—you might not even notice straight away, it’ll be that faint. And then you’ll catch yourself thinking about something or someone who has no connection with the past. Someone who’s only yours. And you’ll realize… that this is where your life is.”

يتبع...


r/ExJordan • • Dec 08 '25

Rant | فضفضة Reminder: Jordan is NOT the place to test your freedom of speech.

105 Upvotes

A couple of days ago, I was in a public place and saw a young guy talking about atheism with ppl he literally just met. One of them even asked for his last name, that’s how new they were. He was talking loudly, talking shit about religions, and even made a joke about Islam. Ppl around were staring, and I’m sure a lot heard him.

This isn’t brave. It’s stupid.

When he stepped away to take a call, I told him how dangerous it is to talk like that in public. I think he’s newly out of Islam and in that phase where he wants to say everything out loud.

So guys,

Stop thinking u r some kind of atheist hero. U r not here to wake ppl up. This is NOT a free speech society. Talking like that with strangers can be very dangerous.

Pls be careful. Choose who u talk to. Choose where u talk.


r/ExJordan • • Aug 11 '25

Rant | فضفضة That is actually sad

Post image
105 Upvotes

ممكن أفهم دفاع الرجال عن الإسلام لأنه بالأخير الدين بخدم الرجل، بس لما اشوف مرأة بتدافع عن الإسلام و بتحكي اشياء زي "الاسلام كرمني"...الخ بحزن

بحزن انها بتدعم شيء يقمعها و يعاملها كسلعة، بحزن لانها مش عارفة حقوقها و انها انسان زيها زي الرجل و بتقدر تعمل ايش ما بدها

او بس ادافع عن النساء و تطلع وحدة ضد كلامي اللي هو كيف ضده؟ انا بدافع عن حقوقك هم مش مستوعبين انه النسوية خدمتهم جدا و اساسا اعطتهم الحق انه معهم تلفونات و بعلقوا تعليقات بتخزي

غسيل الدماغ مخيف جدا


r/ExJordan • • Jun 23 '25

Discussion | نقاش ليش لبس البنت دليل على التحضر

104 Upvotes

البنت لما تكون قادرة تلبس بيكيني او لبس قصير هاض اشي بدل على انها عايشة في مجتمع امن ، الناس فيه اما عندها اخلاق كافية عشان ما تتحرش في البنت بسبب لبسها او عشان في نضام قانوني بضمن حقوقها و لو تحرشت فيها راح يعاقبك و ما راح يحط اللوم على البنت و يحكي اصلا مانت لابسة بيكيني .

هاض هو المعنى من انه لبس البنات بدل على عقلية المجتمع ، في مجتمعنا العربي البنت بتلبس حجاب و نقاب و بتم التحرش فيها و السبب واضح ولاد ما تربو و قانون و مجتمع بلومو الضحية .

ف لما يجي مسلم يقلك انتو بدكو البنات تقلع و تشلح بتقله انا بدي البنت تقدر تلبس الي بدها اياه بدون ما يجي سرسجي مثل حضرتك يتحرش فيها .


r/ExJordan • • Jun 08 '25

LGBTQ+ | مجتمع الميم لا لرجال الدين.

Post image
104 Upvotes

r/ExJordan • • Apr 09 '25

Social Media They're like little kids😂

Post image
103 Upvotes

r/ExJordan • • Sep 18 '24

Humor | فكاهة انتبهي يا اختاه 😔

Post image
102 Upvotes

r/ExJordan • • 27d ago Heartwarming

Rant | فضفضة للجماعة الي بقولوا فش عنا خطاب تطرف

100 Upvotes

هاي مش تقارير ولا إحصائيات، هاي مواقف من حياتي

١. جارنا، ما بعيد علينا، لا بعايدنا بالعيد ولا بعزينا بالموت

٢. زملاء بالشغل بنفس عقلية هالجار بالزبط

٣. موظف كان عند أبوي، قالها بوجهه: "لولا الحاجة للشغل ما كنت أخذت راتبي من نصراني

٤. إنت محترم مع إنك مسيحي. وبرواية ثانية: حرام، إنت رح تروح عالنار. والاتنين مفكرين حالهم بمدحوا

٥. بأحد مخيمات الأمير حسن أيام الجامعة بمعان، طفل عرف إني مسيحي وتفاجأ إني بني آدم زيهم وبشبههم. طفل. يعني في حدا علّمه غير هيك.

٦. أبوي بخدمته العسكرية بإحدى المحافظات، بعد فترة لما عرفوا إنه مسيحي، رفضوا يناموا معه بنفس المهجع

ولا واحد من هدول فجّر حدا ولا حمل سلاح. بس التطرف ما بيبلش بالقنبلة، بيبلش بجملة، وبنظرة، وبطفل بيكبر مفكر إن جاره مش بني آدم زيه.

وأكيد مش الكل هيك، وبعرف ناس كتير أنضف من إنهم ينحكى عنهم بهالسياق. بس إنكار المشكلة صار جزء منها.