r/Egypt • • 22m ago

AskEgypt اللي يسأل ميتوهش I caused a (minor) car crash

1 Upvotes

Hello. I simply want some advice from other Egyptains about paying compensation for a car crash

I don't remember what happened but it was totally my fault. I crashed into a car in one of the most busy streets in Downtown Cairo, it was violent enough for me to feel jolted forward, and enough for the car in front of me to move at least 2 meters.

The lighting of the street made it hard to notice if I caused any new injuries to the car or if I had just dented the back. He couldn't tell either, I think.

In a panic of a heated discussion, I got the idea to pay instapay, right now in the middle of the street.

8k Egp.

Is 8 thousand Egp enough? Too much? Too little? It's basically my first car and I'm 21 years old, so I don't have experience in paying for car repairs.. it was my first crash and hopefully last.


r/Egypt • • 33m ago

Meme م الحياه وحشه

1 Upvotes

ً


r/Egypt • • 1h ago

Discussion على القهوة اسوء حاجة واعلى سعر

1 Upvotes

مش عارف لحد امتى هنفضل ناخد اسوء منتجات وندفع اسعار اعلى من اي حد في العالم. بقالي حبة عايز اشتري تليفزيون وانا للاسف بحب ادور وافهم قبل ما اشتري الحاجة -وبقول للاسف لان الموضوع بقى صادم بالنسبالي وبيخيليني مش عايز اشتري حاجة في الاخر- قلت ادور هنا على ريديت واشوف العالم بيتكلم في ايه الكويس دلوقتي واشوف لو حاجة موجودة عندنا وقيمة مقابل سعر والناس بترشحها اشتريها.

لقيت ايه بقى التجار والمصنعين عندنا الجُمال عندهم ستوك من موديلات قديمة من سنة وسنتين، وطبعا البشوات بيسيبوا الموديلات ديه هي اللي موجودة في السوق ومش بينزلوا موديلات السنة اللي موجودة برة. لأ وخد الكبيرة بقى بيبيعوا الموديلات القديمة ديه بنفس سعر الجديدة برة، الموديلات ديه برة بينزل عليها عروض وحرق اسعار بتوصل لنص تمنها.

الحاجة الوحيدة اللي بتنزل اول باول هنا في التليفزيونات هي الاوليد وموديل السنة بينزل برقم خزعبلي اعلى كتير من اللي بيتباع برة مع انه متصنع هنا عادي وحتى بالضرايب عمره ما يوصل لفرق السعر ده. مش عارف ايه ممكن يكون الحل في القرف ده بس الواحد زهق من الاستغلال ابن الوسخة ده في كل حاجة.


r/Egypt • • 1h ago

Humour ضحك Every masterpiece has its cheap copy

Post image
2 Upvotes

r/Egypt • • 2h ago

Culture ثقافة محتاجه ارئكم بكل حياديه اتمنى تفيدوني

5 Upvotes

عايزة أفتح نقاش عن موضوع ختان الإناث، وفعلاً مهتمة أسمع آراء مختلفة.

إيه رأيكم في ختان الإناث؟ وإيه اللي مخلي الممارسة دي لسه موجودة ومقبولة عند بعض الناس في مجتمعنا رغم إن الأضرار الطبية بتاعتها معروفة؟

هل الموضوع بالنسبالكم مجرد عادة وتقاليد اتورثت من جيل لجيل؟ ولا ضغط مجتمعي وخوف من كلام الناس؟ ولا مفاهيم دينية مغلوطة؟ ولا نقص وعي وتعليم؟

وعندي كمان شوية أسئلة:

- هل شايفين إن التعليم والتوعية الطبية كفاية لتغيير الفكرة دي؟

- ليه بعض الأسر بتتمسك بالختان حتى مع وجود تحذيرات طبية؟

- هل شايفين إن المجتمع بيتغير فعلًا في نظرته للموضوع، ولا التغيير لسه بطيء؟

- إيه الطريقة اللي ممكن تخلي حملة توعية عن الختان مؤثرة فعلًا بدل ما تكون مجرد كلام بيتقال وخلاص؟

ومهتمة بشكل خاص أسمع من الناس اللي اتربوا في بيئات الموضوع ده فيها منتشر، سواء كانوا مؤيدين أو معارضين أو حتى غيروا رأيهم مع الوقت.

مش هدفي أهاجم حد أو أحكم على تجارب الناس، أنا فعلًا عايزة أفهم الأسباب وطريقة تفكير المجتمع، ونسمع بعض باحترام.


r/Egypt • • 4h ago

Travel بلاد برا Medical evacuation insurance for foreigners? Good idea or not necessary?

3 Upvotes

We'll be there 2 months. We have some health issues that should be fine with what we are bringing with us. But I'm concerned if something happens like injury, but more concerning is breathing issues, heart issues, anything that would require intubation or stabilization or surgery.

I know Egypt has health facilities all over the country and is capable and provides these services for their citizens but having friends there that have used the healthcare system, it makes me nervous, plus not having large amounts of money up front to pay for something big and the life bring in danger because of care being denied or delayed due to wanting a lot of money up front (that we will not have).


r/Egypt • • 5h ago

AskEgypt اللي يسأل ميتوهش Cairo film festival

2 Upvotes

الفترة دي بجرب حاجات جديدة وفعلا جربت حاجات كتير

وكنت عايز اروح

Cairo film festival

اتفرج علي فيلم بس اخر ايفنت روحته حسيت الموضوع كان رخم شوية عشان لوحدي فلو حد مهتم انه ييجي معايا يعرفني مقررتش حتي هتفرج علي ايه بس ممكن حاجة عربي قديمة او لو عندك اقتراحات يلا بينا


r/Egypt • • 9h ago

Travel بلاد برا Should I leave Cairo for last?

1 Upvotes

Greetings, as a solo traveler, I was thinking of the following itinerary:

  1. Cairo (1 night)

  2. Aswan (3 full days)

  3. Luxor (3 full days)

  4. Cairo (1 night)

  5. Siwa (2 full days)

  6. Cairo (4 full days)

I imagined saving the most historic for last, as well as last minute shopping. What do you think?


r/Egypt • • 10h ago

Politics سياسة وليد الشريف الوحيد فيهم

Post image
38 Upvotes

r/Egypt • • 11h ago

Politics سياسة شكل كامل الوزير بيتحارب فعلا ولا ايه

24 Upvotes

بعيداً عن الهزار بس ايه السبب للي فالفديو ده او ايه الاستفاده ده حتي منور كشافات عالنمر عشان متتصورش مين ممكن يبقي المستفيد من كده او ايه الي يخلي حد يضحي ف بنفسه عشان كده

الغريب أن الداخليه معرفتش تجيبه لحد دلوقتي أو ممكن تكون جابته و منزلتش


r/Egypt • • 12h ago

Politics سياسة عنده حق ولله

14 Upvotes

r/Egypt • • 13h ago

AskEgypt اللي يسأل ميتوهش الناس اللي معاها فلوس في مصر شغالة إيه

12 Upvotes

الناس اللي بتشتري عربيات بملايين وبيوت في الكمباوندات شغالة إيه

أنا فاهم إن الحد الأدنى للأجور حوالي ٧٠٠٠ جنيه وإن متوسط المرتبات ممكن يكون من ٢٠ لـ ٢٥ ألف بس عندي فضول أفهم حاجة

إزاي فيه ناس كتير بتسوق عربيات بمليون جنيه وأكتر وبتشتري شقق وبيوت في الكمباوندات والمناطق الجديدة بأسعار بتوصل لملايين

الناس دي بتشتغل إيه أو في أنهي مجالات هل أغلبهم أصحاب بيزنس ولا موظفين في شركات كبيرة ولا بيقبضوا بالدولار

نفسي أفهم إيه المجالات اللي ممكن تحقق مستوى دخل بالشكل ده وإزاي الواحد يقدر يبدأ ويدخل فيها

اللي شغال في مجال دخله كويس ياريت يشاركنا تجربته وبيشتغل إيه


r/Egypt • • 13h ago

Discussion على القهوة و حتي لو صححت خطاء تسبب في أن واحد غير مصري تصنيفه بقي اعلي من واحد مصري...الحق حق...و كده كده صلاح هيسجل أهداف تاني...فين المشكلة !

Post image
2 Upvotes

r/Egypt • • 15h ago

Rant متعصب كل اما ادور علي شقة للايجار يا اما الاقيهم عايزيين اسرة او بنت سنجل او عرسان

2 Upvotes

انام فى الشارع يعني ولا اعمل ايه؟


r/Egypt • • 16h ago

Rant متعصب عنف المدرسين في مصر مستمر

Thumbnail
gallery
58 Upvotes

أعلنت الإدارة التعليمية في محافظة القليوبية وقف مدرس في مدرسة بكفر الشيخ عن العمل و إحالته للتحقيق و ذلك بعد ما أتهمه ولي أمر تلميذ بالصف الثالث الإبتدائي بالإعتداء علي إبنه ، ولي الأمر بيقول أن الطفل طلب من المعلم السماح ليه بدخول الحمام و ده الي خلي المعلم يعتدي عليه بالضرب المبرح في منطقة البطن و هو الي نتج عنه إصابة الطفل بنزيف داخلي في منطقة المثانة و الكلية و ولي الأمر أضاف أنه فوجئ بتبول الطفل دم بعد عودته من المدرسة و ده الي خلاهم يروحوا بيه المستشفي و هناك قاموا باستخراج تقرير طبي و تقديم محضر رسمي في المدرس.


r/Egypt • • 16h ago

AskEgypt اللي يسأل ميتوهش Gym for a short stay?

1 Upvotes

I live abroad and I usually visit Egypt once or twice a year to visit family. Does anyone know a good gym near tagamo where I can pay at least monthly? I usually stay for 10-14 days but I don’t mind paying for a month. I would like a good clean gym with good vibes


r/Egypt • • 18h ago

Discussion على القهوة بحب واحده ف الجامعه

4 Upvotes

بحب واحده ف الجامعه من اول يوم شوفتها فيها وعجبتني علي طول كنت بحاول بلفت نظرها ليا عشان انا مش عارف اسمها ولا اتعاملت معها

المشكله بقي اتعرفت علي واحد ف الجامعه نفس الكليه بتاعتي واول حاجه قالهالي انو عاوز يكلم البنت دي بالتحديد انا انصدمت جدا الصراحه ومقولتش ليه اي حاجه بس كل شويه بلاقيه بيبص عليها ويقول أنا نفسي اكلمها والكلام من دا انا مش عارف اعمل اي الصراحه وخايف برضوا هي تكلموا هو أو انا اكلمها يقول دا سرقها مني مش عارف اعمل اي ياريت حد يساعدني


r/Egypt • • 18h ago

Rant متعصب تسوس الاسنان

2 Upvotes

في حد عمل حو لاسنانه وكم سن او ضرس انا سناني كل شوي يحصلها تسوس والموضوع تعبلي نفسيتي عندي٢٢سنه يعني لسه صغيرا على المر دا حد يواسيني بجد ويقلي دنا زيك


r/Egypt • • 19h ago

Meme م Abd al fat ahh

Post image
7 Upvotes

🥀


r/Egypt • • 19h ago

Culture ثقافة فراعنة وملكات مصر القديمة في الفولكلور العربي والقبطي: قائمة مرتبة زمنياً مع التعريفات تاريخية وأصول الأسماء

Post image
3 Upvotes

استغرق مني الأمر جهدًا كبيرًا للإنتهاء من هذا المقال ...

بصفتي مصريًا، أحب أن أقارن بين المخطوطات العربية القديمة وبين فك رموز الهيروغليفية في القرنين التاسع عشر والعشرين بعد شامبليون!

لذا أقدم لكم هذه الطبعة الثانية الجديدة من القائمة السابقة، وقد تم تزويدها بشخصيات جديدة واقتباسات جديدة من مصادر عربية.

تعرض هذه القائمة فراعنة مصر القديمة وملكاتها كما حفظتها الأدبيات العربية والقبطية الوسيطة. وهي توليف من مانيتون كما نقله واضعو الحوليات المسيحيون، والتاريخ المقدس القرآني والكتابي، والفولكلور القبطي، والأسطورة الشعبية. وهي تعكس سلسلة طويلة من الترجمة والوساطة اللغوية: من المصرية القديمة إلى اليونانية، ثم إلى القبطية خلال العصر اليوناني-الروماني في مصر، وأخيرًا إلى العربية في العصر الوسيط. ولا تدّعي القائمة اكتمال الصحة التاريخية أو الدقة؛ هي مجرد محاولة لبيان كيف تحوّل حكام مصر القديمة إلى أسماء أسطورية ودينية في الذاكرة القبطية-العربية.

ملاحظة:

معظم المؤرخين العرب لم يعرفوا شيئًا عن مانيتون، لذا يبدو أنهم حصلوا على المعلومات عبر روايات شفهية.

---------------------

المصادر العربية:

  1. فتوح مصر والمغرب — ابن عبد الحكم، نحو 801–871 م

  2. مروج الذهب وكتاب التاريخ — المسعودي، هيرودوت العرب، نحو 896–956 م

  3. معجم البلدان — ياقوت الحموي، نحو 1179–1229 م

  4. نهاية الأرب في فنون الأدب — النويري، 1279–1333 م

  5. المواعظ والاعتبار بذكر الخطط والآثار، المعروف بالخطط — المقريزي، نحو 1364–1442 م

  6. النجوم الزاهرة في ملوك مصر والقاهرة — ابن تغري بردي، نحو 1411–1470 م

  7. حسن المحاضرة في تاريخ مصر والقاهرة — السيوطي، نحو 1445–1505 م

  8. أحمد كمال، 1903، ملاحظات حول تصحيح أسماء ملوك مصر القدماء بالعربية مع نبذة تفسيرية عن بعض العادات

  9. عكاشة الدالي، 2005، علم المصريات: الألفية المفقودة

---------------------

الاسم العربي مصر

مصر اسم سامي قديم، ليس مصريًا في الأصل: يظهر في الأكادية بصيغة موصور وفي العبرية بصيغة مزرايم أو متسرايم، ومعناه المرجح "الأرض المستوطنة" أو "الثغر المحمي". وقد استخدمه العرب قبل الإسلام، ثم أصبح الاسم العربي القياسي لمصر، بينما كان المصريون القدماء يسمون أرضهم كيمت ("الأرض السوداء"). وفي التقليد الديني يُربط الاسم بمصرايم بن حام بن نوح، الجد الكتابي للمصريين.

الاقتباس:

«وكان بيصر بن حام قد كبر وضعف فساقه ولده مصرايم، وجميع إخوته إلى مصر، فنزلوها وبذلك سميت: مصر.»

المصدر: ابن عبد الحكم، فتوح مصر والمغرب

---------------------

بناة الأهرامات قبل الطوفان

قال ياقوت الحموي في كتابه معجم البلدان:

«وفي زمان شداد بن عاد بنيت الأهرام فيما ذكر عن بعض المحدثين، ولم نجد عند أحد من أهل العلم من أهل مصر معرفة في الأهرام ولا خبرا ثبت، إلا أن الذي يظن أنها بنيت قبل الطوفان، فلذلك خفي خبرها، ولو بنيت بعده لكان خبرها عند الناس.»

المصدر: ياقوت الحموي، معجم البلدان، ص 401.

---------------------

منقاوس

في الأدبيات العربية، منقاوس ملك لمصر، وهو ابن الملك شداد، خلف أباه في الحكم وملك بحزم وحكمة. ويُنسب إليه إظهار كتب الحكمة، وإعادة الكهنة إلى مراتبهم، وبناء أول حمّام في مصر، وبناء منف لبناته الثلاثين وإسكانهنّ فيها. ويُقال أيضًا إنه بنى هيكلًا لصور الكواكب والأصنام، وعمل طلاسم كثيرة، وأحدث اثني عشر عيدًا في السنة، وجمع أموالًا عظيمة من عمل أصحاب الكيمياء.

التعريف التاريخي: مينا نارمر، أول ملوك الأسرة الأولى وموحّد مصر العليا والسفلى، ويُنسب إليه تقليديًا تأسيس منف.

التأثيل والتعليل: التعريف صوتي وروائي. فالاسمان منقاوس ومينيس متقاربان صوتيًا: يشتركان في الجذر الصوتي م-ن-س، مع ظهور القاف في منقاوس كعنصر دخيل أو ثانوي في النقل العربي. والدور الروائي المنسوب إلى منقاوس — تأسيس منف وتقرير الملك فيها — يتطابق مع التقليد الكلاسيكي والحديث عن مينيس نارمر، مما يعزز التعريف.

الاقتباس:

«وولي الأمر من بعده ابنه منقاوس الملك فقام مقام أبيه، وملك بحزم وحكمة فأظهر مصاحف الحكمة، وأمر بالنظر فيها وأن تنسخ بخط العامة ليفهموها، ورد الكهنة إلى مراتبهم... وقال بعض أهل الأثر إنه هو الذي بنى منف لبناته، وكنّ ثلاثين بنتًا ورحّلهنّ إليها.»

المصدر: المسعودي، أخبار الزمان، ج١، ص١٩٧.

---------------------

خصليم

خصليم ملك أسطوري مبكر لمصر، يُنسب إليه بناء مقياس للنيل. أقام في موضعه نسرين من النحاس، ذكرًا وأنثى. وكان الكهنة يتلون تعاويذ؛ فإن صفّر النسر الذكر كان فيضان النيل جيدًا ووافيًا، وإن صفّرت الأنثى كان الفيضان ناقصًا وتلاه الجدب.

التعريف التاريخي: المرشح المقترح هو خع سخم وِي، آخر ملوك الأسرة الثانية.

التأثيل والتعليل:

اسم خصليم قد يكون تحريفًا لخع سخم وِي (بالهيروغليفية: Ḫʿsḫmwy). والتعليل صوتي لكنه ضعيف: الهيكل الصوتي خ-ص-خ-م قد يُختزل ويُعاد تشكيله في النقل القبطي/العربي بصيغة خ-ص-ل-م، مع إحلال لام محل الخاء الثانية. ويُدعم التعريف أساسًا بالبنية الروائية: فخع سخم وِي كان حاكمًا منفيًا مبكرًا ارتبط بالتوحيد والتحكم في النيل، والتقليد العربي ينسب مقاييس النيل والأعمال المائية إلى الملوك الأوائل.

الاقتباس:

«وبعده خصليم، وهو أوّل من عمل مقياسا لزيادة النيل؛ وذلك أنّه جمع أصحاب العلوم والهندسة فعملوا له بيتا من رخام على حافة النّيل، وجعل في وسطه بركة من نحاس صغيرة، فيها ماء موزون، وعلى حافة البركة عقابان من نحاس: ذكر وأنثى، فإذا كان أوّل الشهر الذي يزيد فيه النيل فتح البيت وجمع الكهّان فيه بين يديه، وتكلّم رؤساء الكهّان بكلام لهم حتّى يصفر أحد العقابين، فإن صفر الذّكر كان الماء تامّا، وإن صفر الأنثى كان الماء ناقصا، فيعتدّون لذلك.»

المصدر: السيوطي، حسن المحاضرة في أخبار مصر والقاهرة، ج١، ص٣٣

---------------------

ديساره

في الأدبيات العربية، ديساره ملك حكيم لمصر، بنى الطاق الأزورد، وقبره فيه. وكان للقبط عيد يُقام تكريمًا له يُسمى «عيد العنب».

كما زار النويري (1279–1333 م) المقبرة الجنوبية لمجمع هرم زوسر في سقارة، وعرّفها بأنها قبر «ديساره»، ووصف قبوًا مزخرفًا بالأزورد، وكذلك فناءً كبيرًا بباب جرانيتي كبير منقوش عليه ثلاثون سطرًا من الهيروغليفية.

التعريف التاريخي: زوسر (نتجريكيت)، فرعون الأسرة الثالثة، باني الهرم المدرج.

التأثيل والتعليل: التعريف صوتي. ديساره قد يكون مشتقًا من زوسر، أو من صيغة مانيتون «توسورثروس»، التي أُعيد تشكيلها في العربية بصيغة ديساره.

الاقتباس:

«وأما حنيّة اللازورد وهى بأرض منف. ومنف هذه هى التى تسمّى مصر القديمة. يقال إن عقد الحنيّة أحسن من عقد قنطرة صنجة التى تقدّم ذكرها. والحنيّة معقودة من حجارة مهندمة، طول كل حجر منها أكثر من خمسة عشر ذراعا. وفيها نقوش وكتابة وطلّسمات مموّهة باللّازورد. وهى من الشرق إلى الغرب، وفي صدرها فضاء فيه بناء مرتفع، عليه بلاطة من الصوّان الأسود، مكتوب فيها بالقلم البرباوى ثلاثون سطرا. يقال إنه قبر الذى بنى الحنيّة، وأنه ديساره: ملك كان بمصر، حكيم. وللقبط عيد يسمّى ديساره: وهو عيد هذا الملك، ويسمّى عيد العنب.»

المصدر: النويري، نهاية الأرب في فنون الأدب

---------------------

سوريد بن سلهوق

في الأدبيات العربية، سوريد هو الملك العظيم لمصر قبل الطوفان، الذي رأى الطوفان في المنام وأمر ببناء أهرامات الجيزة لحفظ المعرفة وليكون قبرًا له. وكثيرًا ما يُربط بإدريس/أخنوخ أو بهرمس الهرامسة.

التعريف التاريخي: خوفو (خيوبس)، باني الهرم الأكبر.

التأثيل والتعليل: التعريف صوتي. سوريد ربما اشتُق من "سوفيس"، وهو الاسم الذي أعطاه المؤرخ المصري مانيتون لخوفو.

الاقتباس:

«قال جماعة من أهل التاريخ: الذي بنى الأهرام سوريد بن سلهوق بن شرياق ملك مصر؛ وكان قبل الطوفان بثلاثمائة سنة؛ وسبب ذلك أنه رأى في منامه كأن الأرض انقلبت بأهلها، وكأن الناس هاربون على وجوههم، وكأن الكواكب تساقطت، ويصدم بعضها بعضا بأصوات هائلة، فأغمه ذلك وكتمه، ثم رأى بعد ذلك كأن الكواكب الثابتة نزلت إلى الأرض في صورة طيور بيض، وكأنها تخطف الناس وتلقيهم بين جبلين عظيمين، وكأن الجبلين انطبقا عليهم، وكأن الكواكب النيرة مظلمة؛ فانتبه مذعورا، فجمع رؤساء الكهنة من جميع أعمال مصر — وكانوا مائة وثلاثين كاهنًا، وكبيرهم يقال له أفليمون — فقصّ عليهم، فأخذوا في ارتفاع الكواكب، وبالغوا في استقصاء ذلك، فأخبروا بأمر الطوفان. »

المصدر: السيوطي، حسن المحاضرة في تاريخ مصر والقاهرة.

> «وذكر القبط في كتبهم: أنّ عليها منقوشا تفسيره بالعربية: أنا سوريد الملك، بنيت هذه الأهرام وأتممت بناءها في ست سنين، فمن أتى بعدي، وزعم أنه ملك مثلي، فليهدمها في ستمائة سنة، وقد علم أن الهدم أيسر من البنيان.»

المصدر: ابن عبد الحكم، فتوح مصر والمغرب وكذلك المقريزي في الخطط

---------------------

هوجيب

في التقليد نفسه، هوجيب هو ابن سوريد، ويُقال إنه دُفن في الهرم الثاني الغربي بالجيزة.

التعريف التاريخي: خفرع (خيفرين)، باني الهرم الثاني.

التأثيل والتعليل: يقوم التعريف أساسًا على التناظر البنيوي. فالتقليد العربي ينسب أهرامات الجيزة الثلاثة إلى تسلسل أب/ابن/حفيد. (ملاحظة: وهذا صحيح تاريخيًا!)

تاريخيًا، الهرم الثاني يخص خفرع، ابن خوفو. واسم هوجيب ربما حُرّف عن "حتب"، لكن دوره الروائي كباني الهرم الثاني وقريب ملكي يثبّت التعريف بخفرع.

الاقتباس:

«ولمّا مات سوريد، دفن في الهرم، ومعه أمواله وكنوزه... ثم ملك بعده ابنه هوجيب، وكان مثل أبيه حكيمًا عالمًا بعلم السحر والطلاسم، وفعل أعمالًا عجيبة... وبنى أهرام دهشور وحمل إليها أموالًا عظيمة... فلما مات دُفن في الهرم مع جميع أمواله وكنوزه.»

المصدر: المقريزي، المواعظ والاعتبار بذكر الخطط والآثار.

---------------------

كرورس

في الأدبيات العربية، كرورس هو ابن هوجيب، ودُفن في الهرم الثالث الأصغر بالجيزة، ويُسمى غالبًا "الهرم الملوّن".

التعريف التاريخي: منقرع (ميكرينوس)، باني الهرم الثالث بالجيزة.

التأثيل والتعليل: السبب البنيوي حاسم: التقليد العربي يجعل الهرم الثالث يخص ابن باني الهرم الثاني. وتاريخيًا، الهرم الثالث يخص منقرع، ابن خفرع (هوجيب) وحفيد خوفو (سوريد).

صيغة مانيتون كانت "منخيريس". وفي النقل الشفهي والكتابي الطويل، ضاعت البداية "من-" أو ضعفت، وأُعيد تشكيل الحروف الساكنة المتبقية (كيريس/كيرّس) في العربية بصيغة كرورس.

الاقتباس:

«فلما مات سوريد دفن في الهرم الشرقي، ودفن هوجيب في الهرم الغربي، ودفن كرورس في الهرم الذي أسفله من حجارة أسوان وأعلاها كدان (وهو نوع من الحجر الجيري)...» (ملاحظة: وهذا صحيح تاريخيًا!)

المصدر: ياقوت الحموي، معجم البلدان.

---------------------

طوطيس

أول فراعنة مصر وفرعون إبراهيم. حاول إغواء السيدة سارة، زوجة النبي إبراهيم؛ فشُلّت يده عندما مدّها إليها، وبعد توبته ردّها إليه وأعطاها السيدة هاجر خادمةً فولدت لإبراهيم إبنه إسماعيل، أبو العرب. وتقول بعض الروايات إنه اعتنق دين إبراهيم.

التعريف التاريخي: تشمل المرشحين المقترحين ساناخت (الأسرة الثالثة) ونب كاورع خيتي الرابع (الأسرة العاشرة)، لكنه لا يظهر في أي قائمة ملوك مصرية قديمة.

التأثيل والتعليل: رُبط الاسم بـ"تا أوتوس" أو "تيت/تيتا" المصرية، وبجذر سامي مقترح يعني "يضيء" أو "يشعل". والتعليل صوتي ومقارن، وليس اشتقاقًا مباشرًا. كما يفسر التقليد لقب "فرعون" نفسه: كان طوطيس أول من سُمّي فرعون لأنه كان قاسيًا و طاغية.

الاقتباس:

«وهو خليج قديم، أول من حفره طوطيس بن ماليا، أحد ملوك مصر الذين سكنوا مدينة منف، وهو الذي قدم إبراهيم الخليل صلوات الله عليه في أيامه إلى مصر، وأخذ منه امرأته سارة، وأخدمها هاجر أم إسماعيل صلوات الله عليهما.»

المصدر: المقريزي، المواعظ والاعتبار بذكر الخطط والآثار.

«وتزعم القبط أن طوطيس هذا هو أول الفراعنة السبعة، وهو فرعون إبراهيم خليل الله الرحمن.»

المصدر: المقريزي، المواعظ والاعتبار بذكر الخطط والآثار.

---------------------

جورياق

وفقًا للمؤرخ العربي المقريزي، كانت جورياق ابنة الفرعون الأول طوطيس، واستولت على العرش بعد قتل أبيها طوطيس. وتوصف بأنها حاكمة قوية رفعت مكانة الكهنة والسحرة. حكمت مصر بعد أبيها، وفي عهدها أرسل ملك العمالقة في الشام جيشًا ضد مصر بقيادة جيرون، لكن في روايات أخرى، الأرجح أن الذي غزا مصر هو "الوليد بن دومع" العمليقي.

التعريف التاريخي: لا يوجد نظير تاريخي واحد. قد تكون شخصية أسطورية مركبة تستمد من ذاكرة شخصيات مثل نيتوكريس أو سبك نفرو.

التأثيل والتعليل: الاسم لا يقابل أي اسم ملكة مصرية معروفة، ويبدو أنه اختراع أدبي ضمن الدورة الأسطورية العربية.

الاقتباس:

> «ولما جلست جورياق ابنة طوطيس، أوّل فراعنة مصر، وهو فرعون إبراهيم الخليل عليه السلام على سرير الملك بعد قتلها لأبيها، وعدت الناس بالإحسان، وأخذت في جمع الأموال، فاجتمع لها ما لم يجتمع لملك.»

المصدر: المقريزي، المواعظ والاعتبار بذكر الخطط والآثار، ج١، ص٢٧١.

«وجورياق أوّل امرأة ملكت مصر من ولد نوح عليه السلام.»

المصدر: المقريزي، المواعظ والاعتبار بذكر الخطط والآثار.

---------------------

الوليد بن دومع

في الأدبيات العربية، الوليد بن دومع هو الأول من خمسة ملوك عمالقة حكموا مصر بعد ضعف حكامها الأصليين. ويوصف بأنه فاتح سوري حكم نحو مئة عام قبل أن يقتله وحش بري.

التعريف التاريخي: لا يوجد نظير مصري مباشر. ومن الأفضل فهمه باعتباره انعكاسًا لحقبة الهكسوس، عندما سيطر حكام أجانب من بلاد الشام على مصر.

التأثيل والتعليل: لا يوجد للاسم "دومع" جذر اشتقاقي مصري. فالتقليد العربي يتذكر فاتحًا سوريًا أسس أسرة أجنبية، وهو ما يعكس استيلاء الهكسوس. والاسم نفسه مشتق على الأرجح من اسم فرعون هكسوسي حقيقي، خصوصًا أن العرب كانوا يعتقدون أن العمالقة هم الهكسوس أو الشاسو، وكانوا يعدونهم من "العرب البائدة". لذا ليس غريبًا أن يحمل اسمًا عربيًا.

الاقتباس:

«ومَلَك مصر الوليد بن دومع العمليقي، واستباح أهلها وأخذ أموالها وقتل جماعة من كهنتها.»

المصدر: المسعودي، مروج الذهب ومعادن الجوهر، ج١، ص٢٦٩.

«...فطمعت فيهم العماليق فغزاهم الوليد بن دومع فقاتلهم قتالا شديدا ثم رضوا أن يملكوه عليهم فملكهم نحوا من مائة سنة فطغى وتكبر وأظهر الفاحشة فسلط الله عليه سبعا فافترسه فأكل لحمه...»

المصدر: ابن عبد الحكم، فتوح مصر والمغرب

---------------------

الريان بن الوليد، ويُسمى أحيانًا نهراوس

خلف الريان أباه، ويُذكر باعتباره فرعون يوسف. ويُقدَّم بوصفه حاكمًا عادلًا ولّى يوسف على المخازن، ثم اعتنق في النهاية دينه التوحيدي.

التعريف التاريخي: أببي (أبوفيس) أو خيان، من ملوك الهكسوس.

التأثيل والتعليل: لاسم الريان صلة صوتية قوية وموثقة أثريًا باسم "رع-إيا-ن" المرتبط بالملك الهكسوسي أببي. أما الاسم البديل نهراوس فقد رُبط، على أسس صوتية، بالملك الهكسوسي خيان وفقًا للعالم المصري الحديث أحمد كمال. فقد قرأ كمال خرطوش الملك الهكسوسي خيان بصيغة "ن رع وس" ورأى أن هذا أصل "نهراوس" العربي. كما أن سياق حقبة الهكسوس يناسب قصة النبي يوسف.

ويُقال إن محمية وادي الريان الطبيعية بالفيوم سُميت على اسم الريان بن الوليد، استنادًا إلى أسطورة جلس فيها الملك وجيشه للراحة.

الاقتباس:

«وكان الريان بن الوليد... فلما رأى يوسف عليه السلام وما آتاه الله من العلم آمن به وصدقه، وقال يوسف: هذا دين آبائي إبراهيم وإسحاق ويعقوب».

المصدر: المقريزي، المواعظ والاعتبار بذكر الخطط والآثار، ج٢، ص١٧٧.

«وقيل: إن نهراوس آمن بيوسف عليه السلام، وكتم إيمانه مخافة فساد مملكته. وحكم نهراوس مئة وعشرين سنة، وفي عهده عَمَّر يوسف عليه السلام الفيوم لابنة الملك...»

المصدر: المسعودي، مروج الذهب

---------------------

دارم بن الريان

خلف دارم أباه الريان. وتذكر المصادر العربية أن النبي يوسف توفي في عهده.

التعريف التاريخي: لا يوجد نظير تاريخي مباشر (ربما ملك هكسوسي غير معروف).

التأثيل والتعليل: لا يوجد للاسم "دارم" جذر ملكي مصري معروف. ويبدو أنه اختراع أدبي/نَسَبي يربط بين فرعون الريان وفرعون موسى اللاحق.

---------------------

كامس بن معدان

كامس هو الملك العمليقي الرابع في هذا التسلسل، حكم بعد دارم وقبل فرعون موسى.

التعريف التاريخي: لا يوجد نظير تاريخي مباشر.

التأثيل والتعليل: مثل دارم، لا يوجد للاسم جذر اشتقاقي مصري. وهو يعمل كحلقة روائية مؤقتة في قائمة الملوك العربية.

---------------------

الوليد بن مصعب، ويُسمى أيضًا طلما بن قومس

هذا هو الاسم الأكثر شيوعًا لفرعون موسى، الطاغية الذي عارض النبيين موسى وهارون، واضطهد بني إسرائيل، وغرق في البحر الأحمر أثناء مطاردته لهم مع مستشاريه وجيشه.

التعريف التاريخي: التعريف الأكثر انتشارًا هو رمسيس الثاني، وإن ذُكر أيضًا مرنبتاح وتحتمس الثالث. لكن يقول بعضهم إن فرعون موسى كان هكسوسيًا أو عمليقيًا.

التأثيل والتعليل: اسم "طلما بن قومس" ليس اختراعًا أدبيًا عربيًا، بل ذاكرة قبطية محفوظة لفرعون الخروج. فالمصادر العربية تنسب هذا الاسم صراحةً إلى الأقباط. والتعليل ليس اشتقاقيًا، لأن اسم "الوليد بن مصعب" عربي. بل يقوم على التقاء روائي: فالتقليد العربي يضع الخروج في فترة بناء عمراني وقوة إمبراطورية، وهو ما يطابق العصر الرمسيسي. وقد ربط بعضهم عبارة "ذي الأوتاد" القرآنية بالمسلات والإنشاءات الضخمة لرمسيس الثاني، وكذلك بنص سفر الخروج ١:١١ الذي يقول "فجعلوا عليهم رؤساء تسخير لكي يذلوهم بأثقالهم فبنوا لفرعون مدينتي مخازن: بيثوم ورعمسيس".

الاقتباس:

«قال ابن وصيف شاه طلما بن قومس الملك: جلس على سرير الملك، وحاز جميع ما كان في خزائنهم، وهو الذي تذكر القبط أنه فرعون موسى. فأما أهل الأثر فيزعمون أنه الوليد بن مصعب، وأنه من العمالقة.»

المصدر: المقريزي، المواعظ والاعتبار بذكر الخطط والآثار، ج١، ص١٣٣.

---------------------

شخصيات نسائية حول الخروج

آسية

آسية في التقليد الإسلامي هي زوجة فرعون الصالحة التي تؤمن بالله سرًا، وتنقذ موسى الرضيع من النيل، وتُوقَّر باعتبارها واحدة من النساء الكاملات الأربع. وهي شخصية إيمان ومقاومة أخلاقية داخل بيت فرعون.

التعريف التاريخي: هي نموذج ديني وأدبي، وليست ملكة تاريخية محددة.

التأثيل والتعليل: اسم آسية عربي، ويؤدي غرضًا أخلاقيًا وتخليصيًا في القصة القرآنية.

الاقتباس:

«وآسية امرأة فرعون قد آمنت بموسى عليه السلام وكتمت إيمانها، وهي التي أخرجت موسى من النيل وربّته.»

المصدر: المقريزي، المواعظ والاعتبار بذكر الخطط والآثار

---------------------

دلوكة

دلوكة ملكة محاربة أسطورية تحكم مصر بعد غرق فرعون موسى. ويُنسب إليها بناء سور ضخم حول مصر، هو "سور العجوز"، وبناء منارة الإسكندرية، ومقياس للنيل في منف.

التعريف التاريخي: تاوسرت (تاووسرت)، آخر حكام الأسرة التاسعة عشرة.

التأثيل والتعليل: التعليل هو حفظ أدبي للذاكرة. فقد بقيت فترة حكم تاوسرت محفوظة في التقليد المصري حتى القرن العاشر الميلادي، وتظهر في الحوليات العربية باسم "دلوكة". واسم دلوكة تحول تاوسرت عبر النقل الشفهي والكتابي. والتفصيل الأسطوري ثانوي؛ أما جوهر التعريف فيقوم على استمرارية ذكرى ملكة من الدولة الحديثة في أدبيات العصر الإسلامي.

الاقتباس:

«ولما غرق فرعون ومن كان معه من الجنود، وخشي من بقي بأرض مصر من الذراري والنساء والعبيد أن يغزوهم ملوك الشام والمغرب، فملكوا عليهم امرأة ذات رأي وحزم يُقال لها "دلوكة". فبنت على بلاد مصر حائطًا يحيط بجميع البلاد، وجعلت عليه المحارس والأحراس والرجال متصلة أصواتهم بقرب بعضهم من بعض. وأثر هذا الحائط باقٍ إلى هذا الوقت... ويُعرف بحائط العجوز.»

المصدر: المسعودي، مروج الذهب ومعادن الجوهر، ج١، ص٢٦٩.

---------------------

قائمة المقريزي اللاحقة

يحفظ المقريزي سبعة وعشرين "ملكًا قبطيًا" قيل إنهم حكموا بعد دلوكة. وأسماؤهم نقل محرّف لقائمة مانيتون. ومن الأمثلة عليهم سماناس (ربما سنفرو)، وسيسوناخوسيس (سنوسرت)، وأوفريس (أبريس).

الاقتباس:

«ثم ملك القبط بعد دلوكة سبعة وعشرون ملكًا، أولهم سماناس، ثم سوسناخوسيس، ثم وافريس... وهذه الأسماء مأخوذة من كتب القبط، وقد حُرّفت عن أصلها، والنقل فيها مضطرب. ويقال إن سماناس هو الذي بنى هرم سقارة المدرج.»

المصدر: المقريزي، المواعظ والاعتبار بذكر الخطط والآثار

---------------------

النهاية …


r/Egypt • • 19h ago

Politics سياسة Ethiopia accuses Eritrea of leading Tigray rebel offensive with Egyptian support

Thumbnail
aa.com.tr
3 Upvotes

r/Egypt • • 21h ago

Wholesome ياختي كاميلا Accidentally skipped an amazing Egyptian girl on OmeTV who speaks all Arabic dialects

0 Upvotes

Hey everyone, shooting my shot here just in case

I was on OmeTV on 11/15 around midnight in Cairo time and matched with an awesome girl from Egypt. We were having a great conversation, and she blew me away by speaking every single Arabic dialect effortlessly. Unfortunately, I accidentally hit skip right as we were exchanging socials.

If you see this— I’m the Asian guy wearing the cat shirt that spoke terrible darija.

I felt terrible about accidentally skipping and tried to find you again. If you see this and want to continue our conversation, send me a DM inshallah


r/Egypt • • 21h ago

Discussion على القهوة انا اول مره اشوف كده بجد

4 Upvotes

ياسين أحمد، رئيس المعهد الإثيوبي للدبلوماسية الشعبية، عرض أدلة ووثائق قال إنها تثبت دعم مصر والسودان وإريتريا للحركات المسلحة في إثيوبيا. وهبة البشبيشي، أستاذة الدراسات الإفريقية بجامعة القاهرة، نفت ذلك، وقالت إن لديها دليلًا لكنها لم تُحضره.

لا أحكم على الوثائق قبل فحصها. لكن سؤالي: حين يضع طرف وثائق على الطاولة، ويرد الآخر بعبارة "بالعقل يا فندم، إحنا هنتحالف عشان ندعم الحركات المسلحة؟"، فمن منهما قدّم ما يمكن فحصه؟ الدليل يُرَدّ عليه بدليل، لا بالاستغراب.

وللإنصاف، قالت جملة فيها صحة: إثيوبيا ترفض إشراك هذه الحركات في الحكم، فالصدام مع قوات تيجراي قادم. لكن هذا يفسّر نشأة الحركات، لا من يدعمها. فهل يمنع السبب الداخلي وجود دعم خارجي؟

ولنقِس بمعيار واحد: مصر تصنّف الإخوان تنظيمًا إرهابيًا منذ 2013، وإثيوبيا صنّفت الجبهة الشعبية لتحرير تيجراي وجيش تحرير أورومو إرهابيتين عام 2021، ثم رُفع التصنيف عن الجبهة عام 2023 بعد اتفاق بريتوريا. فإن كان هذا حقَّ مصر في بيتها، فبأي منطق تُلام إثيوبيا على مثله؟

أنا مصري، ولا أنحاز لإثيوبيا بل للحق أيًّا كان صاحبه


r/Egypt • • 21h ago

Society مجتمع سوال لشبيحه السوشيال.

2 Upvotes

ليه السوشيال ميديا بقت شبه غابه كله بياكل ف بعضه بدون اي رحمه يعني حرفيا الناس بقت معندهاش ضمير ف اي حرف هي بتكتبه ف الكومنتس مش هتكلام عن الكلام الاباحي ولا الاهانه ولا الوسخه الي بنشوفها ع اي فيديو موجود ف السوشيال ميديا

الناس بقت بتحب تمشي ورا القطيع بشكل غبي يعني الي يعمل نفسه متدين و بتاع و يقعد يقول الكلام الي ع هوا الشباب الناس تمجد فيها و اي بوست ليه هتلاقي مدح مش طبيعي مع أن الشخص ده ممكن يكون عكس م قدام الكاميرا خالص و اي حد بتاع دين و عامل نفسه صالح ف المجتمع الناس بتجري وراه بدون تفكير

نيجي عند جانب تاني feminism VS masculinity ده ابشع و اسوء و اوسخ شي شفته ف الميديا ولاد و بنات مريضين مفيش ف دماغهم اي حاجه غير الانحياز للجندر بتاعهم سواء صح او غلط المهم انهم ينظروا ع التاني تلاقي بنت فرحانه ع بنت قتلت جوزها للأسباب متتقالش و تلاقي ذكر بيحاول يقلل من اي شي بتعمله البنات و بيحاول يهين الانثي ككل زي مثلا شفت فيديو لبنت بتحكي عن نفسها و أنها حست أن ق مصر مش هتلاقي لنفسها فرصه أو متنجحش ف بتحكي أنها سفرت لدوله تاشيرته صعبه و بتاع و دخلت جامعه قويه و طبعا بسبب اسم الجامعه ف كل الضغط فيها جامد و أنها اتخرجت و وجهت صعوبه ف الشغل زي كل الشباب دلوقتي و فتحت براند و بتاع ف لما جيت اشوف الكومنتس لقيت حاجات غريبه جدا و شتايم متخلفه عشان البنت مكانتش لابسه حجاب شرعي و الي كاتب يعني الي هو شوفني مستقله و المشكله ان الناس لما جدتله قعد يلف و يدور ف مواضيع تانيه عشان ميردش ع الناس زي انو كل كومنت يشتم ف اخره أو كده عشان يبان أنه جامد و حرفيا كل ده كان عشان فيديو كل الشتايم و القذف كان عشان بنت بتعرض البراند بتاعها زي كل الناس انا ع فكره مش مع فكره اني اطلع حياتي ع السوشيال بس انا لو كنت مكانها كنت هتاثر اوي بحاجات زي كده و العكس صحيح بس اقل شويه مع الرجال مش بشوف كتير بنات بتهاجم رجاله ع نجاحهم

بس بعيدا عن كل ده مين قال إن الاستقلالية و الاعتماد ع النفس دي حاجه حرام او عيب مش لازم عشان انا بنت و مش ملزم عليا اصرف ع حد يبقي مليش الحق اني اعيش ناجحه مش عويله ع حد او بمعني اصح علق لاني انا زي زي اي رجل أو بنت نفسها تنجح و تجيب فلوس و تبقي شخصيه ناجحه و صالحه ف المجتمع مش بترقص ع لايفات التيك توك يعني

و غير كده انا عارفه كويس اننا لازم ننصح الناس عشان ربنا أمرنا ب الأمر بالمعروف والنهي عن المنكر بس ده مبيكونش علننا يعني طبيعي لو لقيت واحده زميلتي مثلا عملت حاجه غلط او حرام هلخدها ع جنب و أنصحها مش الطبيعي اني ف نص القعده احرجها و ده ينطبق ع الي بيكتبوا كومنتس زي كده ع لبسها أو كده و الصراحه معنديش اي مانع بس الي بينصح ده ممكن يكون صوره البروفايل بتاعته ب الشورت ع البحر و داخل ينصح بنت أنها تتحجب مثلا او تغطي معصم ايديها هو اولا كلنا احرار و كلنا هنتحاسب قدام الله لوحدنا بس انت ليه تدخل تهاجم بنت و تفشخ الي جابوها ف كومنتات عشان مش ع هواك م كل شخص حر ف الاول و الاخر و انت اخرك تنصح بس بدون مجادله و مش ف العلن و ده للبنت و الولد

و ثانيا ليه ديما بنقلل من الست ف مصطلحاتنا يعني ليه مثلا بنقول ست بمئة راجل ليه منقولش ست جامده أو شجاعة ليه بنربط القوه و الشجاعه ب الراجل مع انها صفه للكل و ده حتي لما بنت بتكون كويسه بنقول عليها بنت طالعه من بيت كله رجاله اولا هو راجل بس الي ولي عليها و هو أبوها و غير كده التربيه بتكون اكتر ع الام و غير كده هل لو البنت ابوها متوفي هتبقي مش متربيه؟ اعرف ناس أهلها متوفين الله يرحمهم و ماشاء الله ناس قمه ف الزوق و الادب و بتلاقي ناس أهلها عايشين و طالعين من بيوتهم ولا كأنهم شاوفوا ساعه تربيه

او حتي ساعات لما تقل من راجل تعرفه تقول عنه ابن م(ست)ه طيب هي اي العيب ف كده ليه ف كل مصطلحاتنا بنقل من الست أنا مش بعمم لا في ناس واعيه و ناضجه مش بيتصرفوا كده بس اغلبيه الشباب بيعملوا كده

انا مش فيمنزم ولا ملحده ولا اي حاجه انا بس بحاول أناقش فكره محدش عايز يتكلم عنها لانه ق نظر الناس حاجه تافهه أو مش حابين يتكلموا فيها (no one cares) بس لو شبابنا بقوا بالشكل ده ف مش متوقع بالمره أن الجيل الجي أن شاء الله هيكون جيل سوي

انا بس بتمني من كل بنت او ولد انو يراعي ربنا ف كلامه و تصرفاته و يكون حد سوي معندوش نقص جي يطلعه ع ناس هو مش احسن منهم

وبس


r/Egypt • • 21h ago

Society مجتمع إن جالك الميري إديله بالجزمة

Post image
15 Upvotes